North Wales Housing

Cred Tai Gogledd Cymru bod gennym gyfrifoldeb i warchod a gofalu am yr amgylchedd yr ydym yn gweithredu ynddo. Rydym wedi ymrwymo'n llawn i wella perfformiad amgylcheddol ar draws ein holl weithgareddau busnes, a byddwn yn annog ein partneriaid busnes ac aelodau o'r gymuned ehangach i ymuno â ni yn yr ymdrech hon.

Mae Tai Gogledd Cymru yn cydnabod mai yn y meysydd canlynol y mae ein heffeithiau allweddol:

• Defnydd ynni
• Cynhyrchu gwastraff
• Trafnidiaeth
• Defnydd dŵr
• Caffael a deunyddiau crai

Byddwn yn:

• Mabwysiadu’r safonau amgylcheddol uchaf ym mhob maes gweithredu, cyfarfod a rhagori ar yr holl ofynion deddfwriaethol perthnasol.
• Asesu ein gweithgareddau sefydliadol yn barhaus a nodi meysydd lle gallwn leihau'r effeithiau.
• Lleihau gwastraff trwy ddefnydd gofalus ac effeithlon o'r holl ddeunyddiau ac ynni.
• Cyflawni ein gweithrediadau mewn modd sy'n atal neu'n lleihau'r posibilrwydd o lygredd.
• Rhoi cyhoeddusrwydd i’n safbwynt amgylcheddol.
• Hyfforddi ein gweithwyr mewn arfer amgylcheddol da ac annog cyfranogiad cyflogeion mewn gweithredu amgylcheddol.
• Gwneud ystyriaethau amgylcheddol yn rhan o'r holl benderfyniadau buddsoddi a chaffael.
• Cynorthwyo i ddatblygu atebion i broblemau amgylcheddol.

Mae Tai Gogledd Cymru wedi datblygu cyfres o gynlluniau gweithredu i ategu pob un o amcanion ein polisi amgylcheddol.

Bydd Tai Gogledd Cymru yn adolygu perfformiad o dro i dro ac yn cyhoeddi’r canlyniadau ar fewnrwyd y cwmni.

Dyddiad yr adolygiad nesaf Mawrth 2014