North Wales Housing

Beth yw’r cynllun achub morgais?

Os ydych yn berchen ar eich cartref, mae'n bosibl y gall y Cynllun Achub Morgais eich helpu os ydych chi’n cael anawsterau talu'ch morgais ac os oes perygl y bydd eich cartref yn cael ei adfeddiannu.

Sut mae'n gweithio?

Os ydych chi'n gymwys i gael cymorth, gall cymdeithas dai roi benthyciad ecwiti i chi dan y cynllun Cymorth Prynu er mwyn lleihau'r swm rydych yn ei wario ar eich morgais neu, os nad yw hynny'n addas, gall y gymdeithas dai brynu'ch cartref oddi wrthych a gallwch barhau i fyw yno fel tenant.

Bydd y gymdeithas dai wedi'i chofrestru gyda Llywodraeth Cynulliad Cymru. Bydd y gymdeithas dai yn gwneud cais i Lywodraeth Cynulliad Cymru am grant a fydd yn helpu gyda chostau prynu'ch cartref.

Dim ond swm cyfyngedig o arian sydd ar gael ar gyfer y cynllun felly ni fydd modd helpu pawb. Bydd cymorth yn cael ei roi i'r bobl hynny y bydd ei angen arnynt fwyaf.

A fydd y cynllun yn addas ar eich cyfer chi?

Nid y Cynllun Achub Morgais fydd y dewis gorau i bawb. Efallai y bydd modd i chi fynd nôl ar y trywydd iawn ac ail-gychwyn talu'ch morgais unwaith eto a ddim gorfod gwerthu eich ty er mwyn parhau i fyw yno. Mae'n bwysig eich bod yn siarad â'ch benthyciwr ac yn cael cyngor annibynnol er mwyn gweld pa ddewisiadau sydd ar gael. Mae rhestr o fudiadau all helpi wedi nodi isod.

Pwy all wneud cais dan y cynllun?

Mae’r cynllun ar gyfer pobl sydd â blaenoriaeth i gael ei ail-gartrefu gan y cyngor lleol neu gymdeithas tai lleol. All eich cyngor lleol cadarnhau os mae hyn yn gymwys i chi ond yn y lle cyntaf rhaid i chi fedru rhoi ateb cadarnhaol i'r datganiadau hyn i gyd:

• Mae perygl y bydd eich cartref yn cael ei adfeddiannu. Hynny yw, mae'ch benthyciwr yn dangos y bwriad i adfeddiannu'ch cartref.
• Byddwch chi'n ddigartref os yw'r eiddo'n cael ei adfeddiannu.
• Rhaid i'r eiddo fod yn eich unig neu brif breswyl.
• Nid oes unrhyw resymau cyfreithiol pam na ellir gwerthu'r eiddo.
• Nid ydych chi'n gallu gwerthu'ch cartref a phrynu un rhatach yn yr ardal.
• You live in specially adapted housing. 

Os ydych chi'n gymwys i gael cymorth dan y cynllun, bydd y gymdeithas dai yn edrych ar faint o ddyledion sydd gennych, faint fyddai'n ei gostio i brynu'ch cartref ac i wneud unrhyw waith atgyweirio neu waith arall y mae angen ei wneud arno. O dan rai amgylchiadau, ni fydd modd bwrw ymlaen â'ch cais os yw'r costau'n rhy uchel, gan olygu na fyddai'n ymarferol.

Nid oes hawl gennych i gael cymorth dan y cynllun Achub Morgais, ond byddwch yn cael esboniad pam na ellir bwrw ymlaen â'ch cais.

Beth ddylwn i ei wneud nesaf?

Os ydych chi'n credu y gallai'r Cynllun Achub Morgais eich helpu chi, dylech gysylltu:

• â'ch awdurdod lleol (eich cyngor lleol). Bydd y rhif ffôn yn y llyfr ffôn. Bydd y tîm Housing Options, tîm digartrefedd neu swyddogion y strategaeth dai yn gallu egluro’r cynllun mewn mwy o fanylder ac os mae’n gallu helpu chi; neu
• â'r Gyfarwyddiaeth Dai yn Llywodraeth Cynulliad Cymru yn:

• Swyddfa Merthyr Tudful
  Rhyd Y Car
  Merthyr Tydfil
  CF48 1UZ
  
  Ffôn: 01685 729156 or 01685 729157
  E-bost: Mae'r cyfeiriad ebost yn cael ei warchod rhag spam bots, rhaid i chi alluogi Javascript i'w weld.

Am gyngor annibynnol:

Llinell Gymorth Dyledion Tai Cymru 0800 107 1340 neu www.housing-debt-helpline-wales.org/hafan

Shelter Cymru Ffôn 0845 075 5005 neu www.sheltercymru.org.uk/shelter/cymraeg/home

Citizens Advice Bydd rhif ffôn eich swyddfa leol yn y llyfr ffôn neu www.citizensadvice.org.uk