North Wales Housing

Efallai eich bod yn ymwybodol o’r newidiadau Lles a ddaeth i rym ym mis Ebrill eleni. Bydd mwy o newidiadau yn digwydd yn ystod y flwyddyn neu ddwy nesaf a allai hefyd effeithio arnoch chi neu eich aelwyd.

Mae’r prif newidiadau a fydd yn effeithio ar ein tenantiaid wedi’u rhestru isod:

Ebrill 2011

Budd-dal Tai – Didyniadau ar gyfer rhai sydd ddim yn ddibynyddion (person 18 oed neu hŷn sy’n byw gyda chi fel aelod o’ch teulu e.e. mab neu ferch sy’n oedolyn) yw’r swm y mae’r Cyngor yn ei dynnu o’r Budd-dal Tai y mae gennych hawl iddo bob wythnos ar gyfer pob un sydd ddim yn ddibynnydd.  Bydd hwn yn cael ei gynyddu dros y 3 blynedd nesaf.  Mae’r lefelau newydd i’w gweld isod, a byddant yn cynyddu o’r un swm, yn fras, bob blwyddyn am y ddwy flynedd nesaf.

Mae hyn yn golygu y bydd rhaid i chi dalu mwy bob wythnos tuag at eich rhent. Cysylltwch â’r Tîm Rhenti ar 01492 572727 os nad ydych yn siŵr a fydd hyn yn effeithio arnoch chi.

Credydau treth - Mae swm y newid incwm sy’n cael ei ddefnyddio i gyfrifo eich hawl i gredyd treth wedi cael ei ostwng yn sylweddol eleni, a bydd yn gostwng mwy fyth yn ystod y ddwy flynedd nesaf.  Mae hyn yn golygu ei bod yn wirioneddol bwysig eich bod yn dweud wrthyn nhw am unrhyw newid i’ch incwm i leihau’r posibilrwydd o ordaliadau.  Efallai y bydd unrhyw ostyngiad yn eich incwm yn golygu y bydd gennych hawl i rywfaint o Fudd-dal Tai felly cofiwch ymgeisio os nad ydych yn ei dderbyn yn barod!

Mae swm y costau gofal plant y gall rhieni ei hawlio drwy’r elfen gofal plant o’r Credyd Treth Gwaith wedi gostwng o 80% i 70% y mis yma.

Efallai y bydd pobl 60 oed a hŷn sy’n gweithio 16 awr neu fwy'r wythnos yn gallu ymgeisio am Gredyd Treth Gwaith yn awr.  Edrychwch ar y cysylltiadau defnyddiol i weld y rhif i ofyn am becyn ymgeisio.

Bydd gallu i weithio’r rhai sy’n hawlio budd-dal analluogrwydd yn cael ei ailasesu.  Bydd angen i’r rheiny yr asesir eu bod yn gallu gweithio wneud cais am Lwfans Ceisio Gwaith. Bydd y rheiny sydd ddim yn gallu gweithio neu sydd â gallu cyfyngedig i weithio yn symud i Lwfans Cyflogaeth a Chymorth.  Bydd budd-dal analluogrwydd hawlwyr sydd ddim yn llenwi holiadur nac yn mynychu archwiliad meddygol yn cael ei stopio.

Grant Mamolaeth Cychwyn Cadarn – dim ond ar gyfer y plentyn cyntaf y bydd hwn ar gael.

Os oes gennych unrhyw bryderon neu os ydych eisiau mwy o gyngor am unrhyw un o’r newidiadau yma gallwch gael gwybodaeth o’r gwefannau canlynol, neu gysylltu’n uniongyrchol â’r Asiantaethau. Fel arall, cysylltwch â’r Tîm Rhenti ar 01492 572727.