North Wales Housing

Un o flaenoriaethau pwysicafTai Gogledd Cymru yw darparu’r gwasanaeth cwsmeriaid gorau posib i denantiaid, ledled y Gymdeithas ac ym mhob adran.Ond rydym yn sylweddoli y gall pethau fynd o chwith ac weithiau efallai na fydd tenantiaid yn hapus gyda’r gwasanaethau a gynigiwn. Felly mae ganTGC drefn gwyno syml ar gyfer adegau fel yna.

Gall fod yn anodd gwahaniaethu cwyn ffurfiol o’r problemau a’r ceisiadau am wasanaeth sy’n codi bob dydd.

Mae cwyn yn:

‘fynegiant ffurfiol o anfodlonrwydd, boed lafar neu ysgrifenedig, a boed wedi’i gyfiawnhau ai peidio, gyda darpariaeth neu ddiffyg darpariaethTai Gogledd Cymru I ddarparu gwasanaeth o’r safon rydym yn ei addo.’

ByddTai Gogledd Cymru yn ymchwilio i gŵyn os lleisiwyd un o’r pryderon canlynol:

• Mynegiant o anfodlonrwydd am safon y gwasanaeth.
• Gweithredu neu ddiffyg gweithredu ar ranTai Gogledd Cymru sy’n effeithio ar gwsmer neu grŵp o gwsmeriaid.
• Honiad gan gwsmer fodTai Gogledd Cymru wedi methu â dilyn gweithdrefnau priodol.
• Honiad fod unigolyn wedi’i drin mewn ffordd annerbyniol neu fod aelod o staff wedi methu â gweithredu wrth ddelio â mater.

Mae yna rai pryderon na ellir ymdrin â nhw trwy drefn

gwynoTai Gogledd Cymru:

• Materion sydd â’u trefn apelio benodol eu hunain.
• Materion yn ymwneud ag ymddygiad gwrthgymdeithasol.
• Materion yn ymwneud â gwasanaethau a ddarperir gan sefydliadau eraill. (Er enghraifft, gwagio biniau, budddaliadau tai).

Mae trefniadau ar wahân ar gyfer y materion yma, ond os nad ydych yn siŵr gallwch gysylltu ag Amie Louise Cavanagh,Cydgysylltydd Ymgysylltu âThenantiaid ar 01492 572727 a bydd yn eich cynghori ynglŷn â pha weithdrefn i’w dilyn ac yn trosglwyddo eich pryderon i’r bobl berthnasol.