North Wales Housing

Eich arweiniad chi i’r safon yr ydym yn ceisio ei chyrraedd o ran gwaith atgyweirio, addurno a glanweithdra eich cartref newydd yw’r daflen yma.

Os gwelwch fod gwaith angen ei wneud, siaradwch gyda’ch Swyddog Tai pan fyddwch yn mynd i weld eich cartref newydd oherwydd efallai y byddwn eisoes wedi trefnu i’w wneud.

Gan fod tai mor brin yn yr ardal mae arnom angen i chi symud i mewn mor gyflym â phosib. Felly er y byddwn yn gwneud rhai atgyweiriadau cyn i chi symud i mewn, bydd rhaid i eraill aros tan yn nes ymlaen. Mae’r “wynebau siriol” yn y tablau yn y daflen yma’n dangos pa atgyweiriadau sy’n cael eu gwneud, a phryd.

Efallai y byddwn hefyd yn cwblhau gwaith sy’n rhan o’n rhaglen o fuddsoddi mewn eiddo i wella eich cartref ar ôl i’ch tenantiaeth gychwyn.

Os oes angen ailaddurno unrhyw ystafelloedd, byddwn yn rhoi talebau i chi fel y gallwch ddewis eich deunyddiau eich hun. Yn gyffredinol byddwn yn disgwyl i chi addurno ond mewn amgylchiadau eithriadol efallai y byddwn yn gallu eich helpu. Os na allwch gwblhau’r gwaith addurno dylech drafod hynny gyda’ch Swyddog Tai.

Byddwn yn ymweld â chi ar ôl i chi symud i mewn i wneud yn siŵr eich bod wedi setlo a gwirio bod yr holl atgyweiriadau yn cael eu gwneud mewn pryd.

Y safonau y byddwn yn eu darparu

Prif Wasanaethau		Cyn i’ch tenantiaeth gychwyn	Ar ôl i’ch tenantiaeth gychwyn
Eitemau Trydanol
Diogelwch	Byddwn yn tynnu unrhyw ffitiadau peryglus.
	Byddwn yn anfon trydanwr cymwysedig i archwilio eich eiddo a rhoi tystysgrif ddiogelwch i ni.
	Byddwn yn gosod datguddiwr mwg neu’n gwirio fod y rhai sydd yno’n gweithio’n iawn.
Socedi	Byddwn yn rhoi un soced dwbl ym mhob ystafell o leiaf.
	Byddwn yn adnewyddu dalwyr lamp a socedi diffygiol.
Nwy	Os oes nwy yn yr eiddo
Diogelwch	Byddwn yn gwneud yn siŵr fod tystysgrif diogelwch nwy ar gyfer yr eiddo. Byddwn yn rhoi copi ohoni i chi.
	Byddwn yn anfon contractwr cofrestredig i brofi/gwasanaethu boeleri, tanau a gwresogyddion dŵr nwy, os oes nwy ar gael.
Peiriannau Coginio	Byddwn yn gwneud yn siŵr fod cyswllt bidog yn gweithio ar gyfer peiriannau coginio nwy os oes nwy ar gael.
Dŵr
	Byddwn yn archwilio’r gwaith plymio.
	Byddwn yn gwirio’r tap cau ac yn gwneud yn siŵr ei fod yn gweithio ac yn dangos i chi lle mae o.
	Byddwn yn gwneud yn siŵr fod tapiau yn gweithio’n iawn.
	Byddwn yn gwneud yn siŵr fod dŵr yfed yn sinc y gegin.
Lloriau, waliau, nenfydau a grisiau		Cyn i’ch tenantiaeth gychwyn	Ar ôl i’ch tenantiaeth gychwyn
Lloriau
	Bydd lloriau pren yn sownd i’r trawstiau. Byddwn yn cau bylchau, holltau neu dyllau yn y lloriau a’r sgertins a allai fod yn risg i’ch diogelwch.
Cyflwr	Byddwn yn gwneud yn siŵr fod pob llawr yn ddiogel, yn wastad ac yn barod i chi eu gorchuddio. Bydd gafaelion carpedi sydd wedi’u gludo i’r llawr yn aros yn eu lle.
Y Gegin, yr Ystafell Ymolchi a’r Toiled	Bydd y gorchudd llawr yn y gegin, yr ystafell ymolchi a’r toiled yn gallu gwrthsefyll dŵr.
Teils	Byddwn yn adnewyddu unrhyw deils sydd wedi torri neu ar goll neu orchudd llawr arall yn y lliw sy’n cyfateb orau.
Waliau
	Byddwn yn atgyweirio plastr rhydd ond efallai y bydd angen i chi lenwi mân graciau wrth addurno.
Teils	Byddwn yn adnewyddu unrhyw deils sydd wedi torri neu ar goll ar y waliau.
Nenfydau
	Byddwn yn gwneud yn siŵr fod pob nenfwd yn ddiogel. Ni fydd unrhyw blastr rhydd ond efallai y bydd angen i chi lenwi mân graciau.
Grisiau
Cyflwr	Byddwn yn gwneud yn siŵr fod y grisiau yn ddiogel heb unrhyw fylchau, holltau na thyllau a allai eich rhoi mewn perygl.
Diogelwch	Byddwn yn gwneud yn siŵr fod y staer a rheiliau’r landin a’r canllawiau yn ddiogel ac yn sownd yn eu lle.
Y Gegin		Cyn i’ch tenantiaeth gychwyn	Ar ôl i’ch tenantiaeth gychwyn
Unedau neu gypyrddau	Bydd gennych o leiaf un cwpwrdd llawr dwbl gydag arwyneb gweithio, a chwpwrdd wal. Efallai na fydd yr unedau yma’n cyd-fynd yn union â’i gilydd.
Y sinc	Bydd gan y sinc fwrdd draenio sengl o leiaf, plwg a chadwyn.
	Byddwn yn gwneud yn siŵr fod teils ar y wal tu ôl i’r uned.
Cyflwr	Byddwn yn gwneud yn siŵr nad yw’r cypyrddau a’r arwynebau gweithio wedi’u crafu’n ddwfn na’u llosgi.
	Byddwn yn gwneud yn siŵr fod pob cwpwrdd a drôr yn agor a chau.
Peiriant Coginio	Bydd pwynt trydan a nwy (mewn eiddo sydd â chyflenwad nwy) i’r peiriant coginio.
Awyriad	Byddwn yn gwneud yn siŵr fod gennych ffenest sy’n agos neu ffan tynnu aer.
Peiriant golchi	Bydd pwynt peiriant golchi ar gael yn y rhan fwyaf o achosion.
Yr Ystafell Ymolchi a’r Toiled		Cyn i’ch tenantiaeth gychwyn	Ar ôl i’ch tenantiaeth gychwyn
Yr Ystafell Ymolchi
	Byddwn yn gwneud yn siŵr fod y baddon neu’r gawod yn lân, heb unrhyw graciau na diffygion difrifol. Bydd plwg a chadwyn yn y baddon.
Y Baddon	Bydd teils ar y waliau o gwmpas y baddon a bydd teils yn eich cawod, os oes gennych un.
Awyriad	Byddwn yn gwneud yn siŵr fod gennych ffenest sy’n agor neu ffan tynnu aer.
Y Toiled
	Byddwn yn gwneud yn siŵr fod y toiled yn lân ac yn gosod sedd toiled newydd os yw wedi torri neu ar goll.
Popeth yn gweithio	Byddwn yn gwneud yn siŵr fod y dŵr yn tynnu yn y toiled ac nad yw’r system wedi rhydu.
Awyriad	Byddwn yn gwneud yn siŵr fod gennych ffenest sy’n agor neu ffan tynnu aer.
Basn ymolchi dwylo
	Byddwn yn gwneud yn siŵr fod y basn llaw yn lân heb unrhyw graciau na difrod difrifol. Ond byddwn yn caniatáu mân graciau ar y gwydredd.
	Bydd teils ar y wal tu ôl i’r basn.
Drysau a ffenestri		Cyn i’ch tenantiaeth gychwyn	Ar ôl i’ch tenantiaeth gychwyn
Drysau
Cloeon	Byddwn yn gwneud yn siŵr fod y cloeon ar y drysau allanol wedi eu newid o rai’r cyn-denant. Byddwn yn darparu un allwedd i bob clo, o leiaf.
Gwydrau	Byddwn yn gwneud yn siŵr nad yw’r gwydr mewn drysau wedi cracio a’i fod yn sownd.
Ffenestri
	Bydd ffenestri yn agor a chau yn iawn. Os nad oes allweddi ar gael, ni fydd ffenestri wedi’u cloi.
	Byddwn yn adnewyddu unedau wedi’u selio mewn tai/fflatiau gyda gwydrau/byrddau dros dro ac yn gosod rhai newydd pan fydd yr unedau cywir ar gael.
Gwresogi a dŵr poeth		Cyn i’ch tenantiaeth gychwyn	Ar ôl i’ch tenantiaeth gychwyn
Gwresogi Gofod
	Byddwn yn gwneud yn siŵr fod ffynhonnell wres yn eich prif ystafell fyw.
Dŵr poeth
	Byddwch yn gallu cael dŵr poeth o foeler a reolir gan amser, neu foeler trochi.
Silindr
	Byddwn yn gwneud yn siŵr fod siaced insiwleiddio ar y tanc dŵr poeth.
Materion eraill		Cyn i’ch tenantiaeth gychwyn	Ar ôl i’ch tenantiaeth gychwyn
Glanweithdra
	Byddwn yn glanhau’r eiddo i safon dda ac yn cael gwared â’r holl sbwriel.
	Byddwn yn codi pob carped a adawyd gan y preswylydd blaenorol oni bai eich bod wedi trefnu i’w cadw.
Insiwleiddio
	Byddwn yn insiwleiddio’r atig, tanciau dŵr a phibellau.
	Byddwn yn rhoi Tystysgrif Perfformiad Ynni i bob tenant newydd.
Gwrthsefyll y tywydd
	Bydd y to a’r waliau allanol yn gallu gwrthsefyll y tywydd, yn cynnwys y sied/garej os oes un.