Cymdeithas Tai Gogledd Cymru- 01492 572727

Amdanom Ni	Aelodau Presennol y Bwrdd 2008 - 2009
Mae Cymdeithas Tai Gogledd Cymru yn sefydliad sy’n ymrwymiedig i ddarparu cartrefi ar gyfer pobl na all brynu neu rentu ar y farchnad agored a sydd ag angen llety gwirioneddol, fel yr asesir gan system bwyntiau. Cofrestrwyd y Gymdeithas gyda Cynulliad Cenedlaethol Cymru, corff cyhoeddus sydd yn ariannu ac yn goruchwylio Cymdeithasau Tai Cymreig. Penderfynir polisiau’r Gymdeithas gan fwrdd o bobl broffesiynol lleol sydd yn ymrwymiedig i ddarpariaeth tai, a sydd yn cyflogi tîm o swyddogion proffesiynol i ddarparu gwasanaeth tai safonol.	Helen White - Cadairydd Alice Robinson - Is-Gadairydd Pwyllgor Archwilio Jean McQueen - Cadairydd Kathryn Beard - Is-gadairydd Adrian Baugh Gerry Davies Peter Gibson Colin Hanks Mary Hill Mike Parkin Lynne Parry Gareth Thomas
Dewiswch bennawd:
Nodau
Hanes
Gwerthoedd
Y Cynllun Corfforaethol 5 Munud
Cynllun Busnes
Adroddiad Blynyddol Diwethaf
Cynllun Perfformiad Gwerth Gorau Blynyddol y Gymdeithas
Cynllun Iaith Gymraeg

Nodau

Ein Prif Nod
Sicrhau bod y cartrefi yr ydym yn eu darparu yn gwneud cyfraniad cadarnhaol i ansawdd bywyd yn y cymunedau yr ydym yn gweithio ynddynt.
Ein Hamcanion

Gweithio’n effeithiol dros bobl mewn angen
Helpu i lunio strategaethau tai lleol a pholisi cymdeithasol Sicrhau lefelau boddhaol o fuddsoddiad yn y cartrefi sydd gennym eisoes ac ar gyfer cartrefi newydd Darparu llais ar gyfer y bobl yr ydym yn eu gwasanaethu
Gwrando ar ein cwsmeriaid ac ymateb iddynt
Ceisio barn ein cwsmeriaid ar bob agwedd ar ein gwasanaeth Defnyddio ein gwybodaeth i wella a datblygu gwasanaethau’n barhaus
Gweithredu yn agored a theg, gyda chywirdeb a pharch
Trin pobl fel unigolion - fel yr hoffem gael ein trin ein hunain Darparu gwybodaeth am ein gweithgareddau a’n cynlluniau i’r rhai sydd â hawl i’w disgwyl Ymdrechu am gyfle cyfartal fel cyflogwr a landlord

Yn ôl i'r top
Dod â buddiannau i unigolion, y gymuned a’r amgylchedd
Cydnabod ein cyfrifoldeb tymor hir i’r bobl a’r cymunedau rydym yn eu cartrefu Datblygu atebion drwy bartneriaeth i wella iechyd, ffyniant, diogelwch ac ansawdd bywyd
Gweithio mewn Partneriaeth
Gweithio gydag eraill i gyflawni nodau cyffredin Galluogi staff i wneud y cyfraniad gorau y gallant, fel unigolion a thrwy gydweithio Defnyddio cryfderau ariannol a materol yn effeithiol i wneud y mwyaf o adnoddau sydd ar gael
Edrych tua’r dyfodol – arloesi ac ysbrydoli
Rhagweld a deall newidiadau yn anghenion ein cwsmeriaid Rhoi cynnig ar syniadau newydd a chroesawu newid – mae lle i wella bob amser
Ein Dyheadau
Rydym eisiau i bobl ein dewis oherwydd ansawdd ein tai Rydym eisiau i bobl aros gyda ni oherwydd ansawdd ein gwasanaeth
Yn ôl i'r top
Hanes
Gosodwyd sylfeini’r Gymdeithas ym 1974 gan bobl broffesiynol leol a ddaeth â’u sgiliau i’r Mudiad Tai Gwirfoddol. Yr adeg honno, Ymddiriedolaeth Tai Llandudno a Gogledd Cymru oedd ei henw, a’r prif angen o ran tai yr adeg honno oedd llety ar gyfer yr henoed. Datblygwyd dros 100 o gartrefi newydd mewn gwahanol gymunedau arfordirol i fodloni’r angen hwn. Rhoddodd trosglwyddiadau o gymdeithas arall yn Llandudno sylfaen ehangach i’r Gymdeithas, a’i galluogi i ddatblygu cynlluniau gwella yn yr 1980au cynnar mewn pentrefi eraill ac ar gyfer gwahanol anghenion teuluol. Ffurfiwyd chwaer gwmni hefyd (L. & N.W. Housing Society Ltd) i ddatblygu cynlluniau ‘cydberchnogaeth’ a ‘prydles i’r henoed’. Ym 1987, newidiwyd yr ‘Ymddiriedolaeth’ i’w henw presennol a dechreuwyd cysylltu ei pholisïau â gwahanol anghenion tai, fel llety ar gyfer teuluoedd, pobl sengl, pobl gydag anghenion arbennig a’r digartref mewn gwahanol gymunedau ar hyd arfordir Gogledd Cymru. Bellach mae ein stoc tai yn cynnwys dros 2100 o gartrefi.
Yn ôl i'r top
Gwerthoedd
Cyflwyniad i’r Wefan. Croeso i Gymdeithas Tai Gogledd Cymru. Rydym yn berchen ar ac yn rheoli dros 2,100 o gartrefi yng ngogledd orllewin Cymru, gan ddarparu lle i fyw i deuluoedd, yr henoed, pobl sengl a phobl sydd angen cefnogaeth i fyw’n annibynnol. Ond nid “landlord” yn unig ydym ni. Mae ein rôl yn cynnwys cyfrifoldeb ehangach i sicrhau bod y cartrefi yr ydym yn eu darparu yn gwneud cyfraniad cadarnhaol i ansawdd bywyd yn y cymunedau yr ydym yn gweithio ynddynt. Mae hynny’n golygu gweithio i gyfres o werthoedd rydym yn credu ynddynt… Gweithio’n effeithiol dros bobl mewn angen Gwrando ar ein cwsmeriaid ac ymateb iddynt Gweithredu’n agored a theg, gyda chywirdeb a pharch Dod â buddiannau i unigolion, y gymuned a’r amgylchedd Gweithio mewn partneriaeth Edrych tua’r dyfodol Mae natur y farchnad dai yn golygu bod prisiau uwch wedi rhoi mwy fyth o bwysau ar dai rhent ac ar y bobl hynny na allant fforddio prynu, felly mae ein rôl ni wedi dod yn bwysicach fyth. Rydym hefyd yn anelu at sicrhau bod ein holl gartrefi yn bodloni Safon Ansawdd Tai Cymru erbyn 2012 - ddwy flynedd cyn y targed a osodwyd gan y Cynulliad. Mae cynnwys cwsmeriaid yn ganolog i’n agenda. Os ydym i ddeall anghenion a disgwyliadau’n cwsmeriaid, mae’n rhaid i ni fod yn barod i wrando ac i dderbyn yr hyn y mae pobl yn ei ddweud wrthym. Os oes gennych chi syniad neu awgrym ar gyfer gwella’r hyn rydym yn ei wneud, rhowch wybod i ni. Rydym wedi ymrwymo i wrando a dysgu ac i wella a datblygu ein gwasanaethau’n barhaus. Rydym wrthi ers 30 mlynedd, ac yn ystod yr amser hwnnw, hoffem feddwl ein bod wedi gwneud gwahaniaeth. Ond fel tystiolaeth ein bod yn dal i symud ymlaen, rydym yn lansio Clwb Seren, sef pecyn gwobrau a chymhellion ar gyfer tenantiaid. Mae’n ffordd o ddangos ein gwerthfawrogiad i’n cwsmeriaid gorau. Rydym eisiau i bobl ein dewis ni oherwydd ansawdd ein tai. Rydym eisiau i bobl aros gyda ni oherwydd ansawdd ein gwasanaeth.
Y Cynllun Corfforaethol 5 Munud

Ein Nod
Gwneud yn siwr bod y cartrefi a’r gwasanaethau a ddarparwn yn gwneud cyfraniad positif i ansawdd bywyd yn y cymunedau lle’r ydym yn gweithio. Mae ein gwerthoedd yn seiliedig ar bobl Gweithio’n effeithiol i bobl mewn angen Gwrando ar gwsmeriaid ac ymateb iddynt Gweithredu yn agored ac yn deg, gyda gonestrwydd a pharch Dod â buddiannau i unigolion, y gymuned a’r amgylchedd Gweithio mewn partneriaeth Rydym am i bobl ein dewis ni oherwydd safon ein cartrefi – rydym am i bobl aros gyda ni oherwydd safon ein gwasanaeth. Bydd ein gwaith yn cael ei bennu a’i ddylanwadu’n fwyfwy gan ein cwsmeriaid. Bydd cartrefi’n cwsmeriaid yn economaidd, cymdeithasol ac amgylcheddol gynaliadwy. Fel Buddsoddwr mewn Pobl rydym yn gwybod bod ein gweithwyr yn hollbwysig i sicrhau ein llwyddiant. Byddwn yn canolbwyntio’n sylw ar ein pobl er mwyn gwella hyder a chreu amgylchedd da o fewn ein busnes.
Ffactorau ar gyfer llwyddiant
Mae ein cynllun ar gyfer y tair blynedd nesaf yn seiliedig ar bum ffactor llwyddiant hollbwysig: Datblygu a chynnal a chadw cartrefi mewn modd effeithiol, effeithlon a chynaliadwy • Gweithio ar y cyd trwy bartneriaeth Undod • Cyfrannu tuag at strategaethau a chynlluniau perthnasol yr awdurdod lleol Datblygu cynlluniau a gwasanaethau fydd yn ei gwneud yn haws bod yn berchen eu cartref • Sicrhau bod y contract wedi ei reoli’n effeithiol • Sicrhau y cydymffurfir gyda Safon Ansawdd Tai Cymru erbyn diwedd 2012 • Cwblhau gwaith cynnal ymatebol ac i gynllun yn unol â’r safonau y cytunwyd arnynt • Cyfrannu tuag at gynaliadwyedd economaidd, cymdeithasol ac amgylcheddol y cymunedau yr ydym yn gweithio ynddynt Darparu gwasanaethau lle mae’r cwsmer yn ganolog ac sydd yn cwrdd ag anghenion a disgwyliadau pobl • Sicrhau bod amrywiaeth o gyfleoedd ar gyfer ymgynghori â’r cwsmer a’i gynnwys yn y dasg o asesu boddhad â’r gwasanaethau, gwerthuso’n perfformiad a’r blaengynllunio • Darparu gwybodaeth am ein cartrefi, ein gwasanaethau a’n cynlluniau trwy nifer o wahanol ddulliau • Sicrhau y caiff y gwasanaethau a’r wybodaeth a ddarperir gennym eu darparu yn unol â dewis iaith ac yn unol â gofynion penodol eraill ein cwsmeriaid • Mabwysiadu “arfer da” a chwilio am welliant parhaus mewn gwasanaethau • Gwneud ein gorau i sicrhau lle ymhlith y pedwar uchaf yn yr holl feysydd perfformiad • Hyrwyddo cynllun gwobrau a chymhellion Clwb Seren ar gyfer tenantiaid Cwrdd ag anghenion penodol pobl sydd angen cefnogaeth i fyw yn annibynnol • Cytuno a gweithredu’r cynlluniau gweithredu sy’n deillio o’r adolygiad strategol o dai â chefnogaeth ac adolygiad perfformiad Llywodraeth Cynulliad Cymru • Gweithio’n agos gydag awdurdodau lleol i nodi a chyflwyno ffyrdd o atal ac ymateb i ddigartrefi • Datblygu strategaeth ar ddarparu cartrefi a gwasanaethau ar gyfer pobl hyn • Gweithio’n agos gydag awdurdodau lleol er mwyn darparu amrywiaeth o gartrefi a gwasnaethau ar gyfer y bobl sydd angen cefnogaeth Sicrhau dyfodol hyfyw a llwyddiannus trwy reolaeth gadarn ar fusnes ac arian • Datblygu ein gallu a’n sgiliau i wella perfformiad trwy gyfrwng fframwaith Gwerth Gorau • Sicrhau bod penderfyniadau ariannol yn gadarn ac yn adlewyrchu ymroddiad tymor hir CTGC i’w gwsmeriaid yn awr ac yn y dyfodol • Sicrhau bod y prisiau a godir gennym yn rhesymol a bod rhenti o fewn lefelau meincnodi • Gwneud y gorau posibl o’n incwm trwy wella effeithiolrwydd wrth gasglu rhenti a thaliadau eraill • Sicrhau y rhoddir sylw i effeithiolrwydd ar draws holl feysydd gwaith CTGC gyda’r bwriad o ailgyfeirio arbedion tuag at wella gwasanaeth • Datblygu a gweithredu systemau TGaCh er mwyn gwella gwasanaeth yn unol ag amcanion y Llywodraeth • Cydymffurfio â strategaeth a pholisïau CTGC ar gyfer asesu a rheoli risg • Hyrwyddo a rheoli delwedd bositif ar gyfer CTGC Datblygu a buddsoddi yn ein pobl er mwyn eu cynorthwyo wneud eu gwaith orau gallant • Recriwtio a chadw staff o ansawdd uchel sydd yn broffesiynol, yn frwdfrydig ac yn meddu ar agwedd lle mae’r cwsmer yn ganolog • Sicrhau safonau uchel o safbwynt arweiniad, rheolaeth, hyfforddiant a datblygiad • Recriwtio a chefnogi aelodau o’r Bwrdd sydd yn gallu helpu CTGC i gwrdd â’i amcanion ac ychwanegu gwerth i’r gwaith o’i rheoli • Hyrwyddo cydraddoldeb ac amrywiaeth ym mhob agwedd o’n gwaith • Sicrhau y caiff Strategaeth a Pholisi Iechyd a Diogelwch CTGC eu gweithredu Credwn for ein gwaith wedi gwneud gwahaniaeth go iawn drwy gymunedau yng nghogledd-ddwyrain Cymru ac rydym wedi ymrwymo i sicrhau bod hyn yn parhau. Y Cynllun Corfforaethol 5 Munud Ffeil PDF - 54kb Clic u'r dde "Arbed Targed..."
Yn ôl ú'r top
Cynllun Busnes
Cynllun Corfforaethol Ffeil PDF - 461kb Clic u'r dde "Arbed Targed..."
Adroddiad Blynyddol
Mae'r ddogfen yma ar gais i'w gael mewn Braille, Braille Cymraeg, Print Bras, MOON,Tap/cd, cd-rom.
Cynllun Perfformiad Gwerth Gorau Blynyddol y Gymdeithas
Cynllun Perfformiad Gwerth Gorau Blynyddol y Gymdeithas Ffeil PDF - 603kb Clic u'r dde "Arbed Targed..."
Cynllun Iaith Gymraeg
Cynllun Iaith Gymraeg Ffeil PDF - 522kb Clic u'r dde "Arbed Targed..."