Cynnydd Rhent: Newid i Credyd Cymhwysol
Os ydych ar Gredyd Cynhwysol, ac yn hawlio costau tai i dalu eich rhent, rhaid i chi roi gwybod i’r Adran Gwaith a Phensiynau (DWP) am y newid hwn yn eich rhent.
Er mwyn gwneud hyn yn haws i chi, bydd y DWP yn anfon hysbysiad ‘I’w Wneud’ atoch i’ch cyfnodolyn yn ystod wythnos gyntaf Ebrill 2022.
Rhaid i chi gwblhau’r ‘I’w Wneud’ cyn diwedd eich cyfnod asesu Credyd Cynhwysol ym mis Ebrill 2022 neu byddwch yn colli allan ar yr arian sy’n ddyledus i chi.
Peidiwch â diweddaru eich dyddlyfr cyn dydd Llun 5 Ebrill, mae hyn oherwydd sut mae Credyd Cynhwysol yn cael ei gyfrifo
Os oes angen help arnoch gyda’ch dyddlyfr, siaradwch â’ch swyddog incwm.
Os na fyddwch yn dweud wrth yr Adran Gwaith a Phensiynau am eich codiad rhent, ni fydd eich Credyd Cynhwysol yn cael ei gynyddu i dalu am eich rhent newydd a gallech golli allan ar fudd-daliadau sy’n ddyledus i chi.
Os ydych chi’n talu trwy archeb sefydlog mae angen i chi siarad â’ch banc ynglŷn â chynyddu eich taliad.
Yma i’ch Cefnogi
Rhaid rhoi blaenoriaeth i dalu eich rhent ar amser. Mae gennym lawer o wahanol ffyrdd o dalu i helpu i gael gwared ar y straen o reoli eich arian. Mae Tîm Incwm Tai Gogledd Cymru yma i’ch cefnogi a darparu cyngor arbenigol ar hawlio budd-daliadau, cynyddu incwm, rheoli dyled a chyngor ariannol.
Cysylltwch â [email protected] neu ffoniwch 01492 572727 i siarad ag aelod o’r Tîm Incwm.
Fel arall, mae Cyngor ar Bopeth Cymru yn cynnig cyngor ac arweiniad annibynnol ar faterion budd-daliadau, dyled, ynni a chyflogaeth https://www.citizensadvice.org.uk/cymraeg/
Gallwch hefyd ymweld â www.understandinguniversalcredit.gov.uk i gael rhagor o wybodaeth am Gredyd Cynhwysol.
Rhaid rhoi blaenoriaeth i dalu eich rhent ar amser. Mae gennym lawer o wahanol ffyrdd o dalu i helpu i gael gwared ar y straen o reoli eich arian. Gall ein cynghorwyr arbenigol hefyd eich helpu i baratoi cyllideb ar gyfer eich cartref, fel eich bod yn gwybod beth sy’n dod yn ogystal â pha bethau sydd angen eu talu fel blaenoriaeth, fel rhent, treth cyngor, cyfleustodau ac ati.
