Preswylwyr yn cael allweddi i’r cyntaf o’n cartrefi ym mhentref Yr Orsedd yn Wrecsam

Yn ddiweddar rydym wedi trosglwyddo’r cyntaf o 35 o gartrefi newydd ym mhentref Yr Orsedd, Wrecsam, i breswylwyr newydd.

Mae TGC wedi prynu’r cartrefi teuluol yn natblygiad Trevalyn Place ar gyrion y pentref, i gyd o fewn pellter cerdded byr i ysgolion, ac amwynderau lleol eraill.

Mae chwe theulu wedi symud i’w cartrefi newydd a disgwylir i’r lleill symud i mewn dros y 18 mis nesaf.

Dywedodd Lauren Eaton-Jones, ein Cyfarwyddwr Cynorthwyol Datblygu:

“Rydym yn hynod o falch ein bod wedi gallu prynu’r cartrefi hyn ar gyfer teuluoedd lleol a’r cyfan wrth galon cymuned Yr Orsedd.

“Maen nhw wedi cael eu hadeiladu gan y datblygwr Castle Green ac wedi’u hadeiladu i’r manylebau uchaf, sy’n golygu y byddan nhw’n economaidd i’w rhedeg.”

Paiten oedd y preswylydd cyntaf i symud i mewn yr wythnos diwethaf.

Dywedodd hi wrthym:

“Mae hwn yn ddechrau newydd gwych i mi a fy nheulu bach.”

Ymhlith y trigolion eraill a gafodd eu goriadau roedd Huwey a Kara.

Dywedodd Huwey:

“Mae hwn yn rhywle braf i’n teulu dyfu i fyny ac mewn lle hyfryd.”

Mae wyth llain arall ar y safle i fod i gael eu gorffen a dod ar gael yn yr haf, gyda gweddill y lleiniau i fod i gael eu cwblhau erbyn haf 2026.

Mae’r eiddo wedi’u hadeiladu i EPC A ac yn cynnwys paneli solar, a fydd yn cadw costau rhedeg i’r lleiafswm.