Yn Tai Gogledd Cymru, ein cenhadaeth yw trawsnewid bywydau gyda chartrefi gwych, gwasanaethau o safon, a chefnogaeth.
Yn ddiweddar cymerwyd camau rhagweithiol gennym yn dilyn pryderon a godwyd gan ffrind ynghylch amodau byw preswylydd. Er gwaethaf petruster cychwynnol, cynhaliodd y tîm arolygiad trylwyr, gan ddatgelu amodau byw peryglus oherwydd gwastraff cartref gormodol. Gyda gweithredu prydlon, trefnodd TGC ar gyfer cliriad arbenigol, gan wella gofod byw’r preswylydd yn sylweddol.
Ers hynny, mae cefnogaeth barhaus ac ymweliadau rheolaidd wedi meithrin cwlwm cryf gyda’r preswylydd, gan arwain at welliant nodedig yn eu hymgysylltiad a’u lles cyffredinol.
Mynegodd y preswylydd ei werthfawrogiad twymgalon yn ddiweddar, gan bwysleisio’r effaith gadarnhaol a gafodd yr ymyriad ar eu bywyd. Yn galonogol, mae optimistiaeth newydd y preswylydd wedi eu hysbrydoli i chwilio am gyfleoedd i roi yn ôl i’r gymuned, gyda chynlluniau i wirfoddoli mewn banc bwyd lleol.
Os oes rhywun yr ydych yn ei adnabod yn cael anawsterau, cysylltwch â ni drwy ein cynorthwyydd rhithwir – ChatBot Huw, neu siaradwch ag aelod o’n tîm ar 01492 57 27 27.
Ym mis Hydref 2020, llofnododd Tai Gogledd Cymru Addewid Cyflogwr Amser i Newid Cymru, sy’n ymrwymiad i bawb ohonoch i newid sut rydyn ni’n meddwl ac yn gweithredu am iechyd meddwl ar bob lefel o’r sefydliad hwn.
Fel rhan o’n hymrwymiad parhaus felly, mi wnaethon ni gefnogi Diwrnod Amser i Siarad ar ddydd Iau y 4ydd o Chwefror 2021, sef y diwrnod i gymell y genedl siarad am iechyd meddwl. Efallai bod digwyddiad eleni wedi edrych ychydig yn wahanol, ond ar adegau fel hyn mae sgyrsiau agored am iechyd meddwl yn bwysicach nag erioed.
Ar y diwrnod ei hun cynhaliodd y grŵp Iechyd a Lles sesiynau galw heibio rhithwir ‘Amser i siarad’ ar gyfer staff, ac unig ddiben y sesiynau hyn oedd cyfle i gael sgwrs. Roedd yr ymateb yn anhygoel, gyda nifer o bobl yn galw i mewn i ddweud helo, a mwynhau sgwrsio â chydweithwyr nad oedden nhw efallai wedi’u gweld ers dechrau’r pandemig.
Dywedodd Helena Kirk, Prif Weithredwr TCG:
“Mae’n bwysig siarad a chodi ymwybyddiaeth am iechyd meddwl. Bydd un o bob pedwar ohonom yn profi problem iechyd meddwl a dywed 9 o bob 10 eu bod wedi wynebu triniaeth negyddol gan bobl eraill o ganlyniad i hynny. Trwy ddewis bod yn agored am iechyd meddwl, rydyn ni i gyd yn rhan o fudiad sy’n newid y sgwrs ynghylch iechyd meddwl ac yn sicrhau nad oes unrhyw un yn cael ei wneud i deimlo’n ynysig neu ar ei ben ei hun am fod â phroblem iechyd meddwl.
Rydyn ni’n gwybod po fwyaf o sgyrsiau rydyn ni’n eu cael, y mwyaf o fythau y gallwn eu chwalu a’r rhwystrau y gallwn eu symud, gan helpu i ddileu’r ymdeimlad o unigedd, cywilydd a bod yn ddi-werth y mae gormod ohonom â phroblemau iechyd meddwl yn cael eu gwneud i’w teimlo.”
