Cawsom ddiwrnod sgip llwyddiannus ym Mharc Clarence, Llandudno ddydd Gwener 27 Ionawr, gan helpu i glirio’r ystâd a gwella’r gymuned yn gyffredinol.
Diolch i bawb a ddaeth i’n helpu ar y diwrnod.
Bydd diwrnodau sgipiau eraill yn cael eu cynnal mewn ardaloedd eraill fel y nodir gan y Tîm Cymdogaeth.
Yn ddiweddar, mi wnaethon ni gyfrannu arian i Criced Cymru trwy ein Cronfa Gymunedol i gefnogi sesiynau criced i 30 o blant yng Nghonwy dros wyliau hanner tymor.
Defnyddiwyd yr arian a roddwyd i ddarparu medalau i blant cynradd ifanc o ardaloedd difreintiedig yng Nghonwy wnaeth gymryd rhan mewn gweithgareddau criced hanner tymor yn y cymunedau o amgylch tai TGC.
Mae gweithgareddau o’r fath yn helpu i gysylltu cymunedau a gwella lles plant trwy eu hysbrydoli i ddarganfod angerdd am griced.
Oes gennych chi brosiect cymunedol yr hoffech chi wneud cais i gael arian ar ei gyfer? Gallwch ddarganfod sut i wneud hynny yma https://www.nwha.org.uk/cy/cyfleoedd/cronfa-gymunedol-tai-gogledd-cymru/
Mae Tai Gogledd Cymru yn falch o weithio mewn partneriaeth gyda Heddlu Gogledd Cymru fel rhan o gynllun llywodraeth Strydoedd Mwy Diogel.
Wedi’i ariannu gan Heddlu Gogledd Cymru, mae Strydoedd Mwy Diogel yn darparu mesurau diogelwch ychwanegol ar gyfer eu cartrefi i ardaloedd y nodwyd eu bod mewn angen. Mae mesurau yn cynnwys goleuadau PIR, larymau, cloeon giatiau, cyfyngwyr blychau llythyrau a larymau ffenestri.
Ymwelodd y Swyddog Cymdogaeth Mandy Richards â rhai o’r cartrefi cymwys yng Ngorllewin y Rhyl yng Ngorffennaf i drafod diogelwch cartref a danfon eitemau yr oedd preswylwyr yn teimlo eu bod eu hangen, yn y gobaith o leihau eu risg o ddioddef troseddau. Roedd y preswylwyr yn ddiolchgar o dderbyn eu mesurau diogelwch am ddim.
Rydan ni’n cydweithio hefo Cyngor Gwynedd a Adra er mwyn ail ddatblygu’r safle segur, 137 Stryd Fawr Bangor i fod yn 12 o fflatiau gyda chefnogaeth i atal digartrefedd yng Ngwynedd. Bydd Adra yn arwain ar y datblygu, tra y bydd yr adeilad wedyn yn cael ei reoli mewn partneriaeth gan Tai Gogledd Cymru a Cyngor Gwynedd.
Mae’r cais cynllunio wedi bod yn llwyddiannus ac felly bydd gwaith yn dechrau yn gynnar y flwyddyn nesaf, 2021.
Rydan ni yn hynod falch o fod yn cydweithio hefo Adran Tai ac Eiddo Cyngor Gwynedd er mwyn ail ddatblygu’r safle segur a fydd wedyn yn darparu llety/cartrefi addas i gynorthwyo a chyfrannu at atal digartrefedd ym Mangor, Gwynedd.
Dywedodd Sarah Schofield, Cyfarwyddwr Cwsmeriaid a Chymunedau Adra:
“Rydym mor falch bod y datblygiad yma wedi cael caniatad cynllunio, fedra i’m disgwyl i weld pobl yn cael symud i mewn i’w cartrefi newydd pan fydd y datblygiad wedi ei gyflawni.
“Mae cynnydd o bron i 40% yng nghanran digartrefedd yng Ngwynedd dros y 5 mlynedd diwethaf, a gyda chynnydd mewn achosion Credyd Cynhwysol eleni a cholli gwaith o ganlyniad i’r pandemig hefyd, mae yna alw am lety a gwasanaeth fel hyn yn fwy nag erioed.
“Rydym mor falch o fod yn cydweithio hefo Cyngor Gwynedd a Tai Gogledd Cymru ac yn falch ein bod yn cymryd camau i gyfarch y mater hwn ac i helpu pobl fregus, sydd mewn angen tai yng Ngwynedd.”
Dywedodd y Cynghorydd Craig ab Iago, Aelod Cabinet Tai Cyngor Gwynedd:
“Mae to dros eich pen yn rhywbeth mae’r rhan fwyaf ohonom yn ei gymryd yn ganiataol. Ond yn anffodus, mae amgylchiadau cymdeithasol yn golygu fod yr hawl dynol yma yn rywbeth sydd y tu hwnt i afael rhai pobl leol. Mae hynny’n annheg ac rydym yn benderfynol o wneud iawn am hynny.
“Rydym felly yn falch iawn o weld y prosiect pwysig yma yn bwrw ymlaen ac yn edrych ymlaen – mae’n rhan o Gynllun Gweithredu Tai y Cyngor ar gyfer y blynyddoedd nesaf lle byddwn yn cydweithio efo partneriaid i sicrhau fod gan bobl Gwynedd fynediad at dai addas.
“Bydd y prosiect yma yn cynnig cam cyntaf pwysig i bobl tuag at annibyniaeth a chartref hir-dymor wrth adeiladu bywydau annibynnol. Braf hefyd i weld y bydd bywyd newydd yn cael ei gynnig i adeilad sylweddol sydd wedi bod yn segur ers peth amser yn y rhan yma o Fangor.”
Dywedodd Brett Sadler, Cyfarwyddwr Gweithrediadau yn Tai Gogledd Cymru:
“Rydym yn croesawu’r newyddion da bod caniatâd cynllunio wedi’i roi ar gyfer y datblygiad hwn. Rydym yn falch y byddwn, trwy weithio mewn partneriaeth â Chyngor Gwynedd ac Adra, yn cefnogi digartrefedd ym Mangor, gan ategu’r gwaith y mae ein Tîm Allgymorth ac Ailsefydlu eisoes yn ei wneud yn yr ardal.”
“Fodd bynnag, rydym yn deall nad yw darparu cartref yn ddigonol, a byddwn hefyd yn cynnig cefnogaeth uniongyrchol gan ein staff ymroddedig a gwybodus, i’w galluogi i lwyddo i fyw’n annibynnol.”
Mae’r holl bartneriaid wedi ymrwymo i gyflawni’r prosiect yma a byddwn yn gweithio hefo gwasanaethau arbenigol a sefydliadau gwirfoddol sy’n gweithredu ym Mangor.
Fe’ch gwahoddir i ymuno â phrosiect celf ‘Mae’r wal yn’ am wal yn Nhre Cwm gyda llawer o weithdai a digwyddiadau am ddim:
Croeso i bawb – Dilynwch yr arwyddion o amgylch Tre Cwm i ddod o hyd i ni!
Darperir byrbrydau a lluniaeth yn y digwyddiadau.
Nod y prosiect yw i ni greu gwaith celf ar gyfer y wal ger y cylchfan ac yr A456. Sut y gall gynrychioli elfennau unigryw Tre Cwm? Beth yw’r straeon fydd yn dod â’r wal yn fyw ac yn gwahodd pobl i ddysgu am ei gilydd? Sut ydym ni’n dogfennu’r prosiect yn ddigidol? Dyma rai o gwestiynau i ddechrau.
Kristin Luke yw’r artist preswyl ar gyfer Tre Cwm. Yn wreiddiol o Los Angeles, symudodd i Ogledd Cymru yn 2017. Mae hi’n gwneud gwaith cerflunio, dylunio digidol a ffilm, am addysg, pensaernïaeth, ac iwtopias. Mae’n debyg y byddwch yn ei gweld yn eithaf aml o amgylch yr ystâd!
Mae hwn yn brosiect cyffrous newydd, sydd yn bendant angen grwˆp cyffrous o bobl i wneud iddo ddigwydd!
Dilynwch y priosect ar Facebook, Twitter a Instagram @TreCwm
#maerwalyn ac ychwanegwch #ansoddair
Mae Y Gorlan, Llety Lloches ym Mangor, wedi cael ei ddewis gan Tesco ar gyfer eu Cynllun Grant ‘Bags of Help’ drwy gydol misoedd Mawrth ac Ebrill 2019.
Bydd y prosiect gyda’r nifer uchaf o bleidleisiau ar draws eich rhanbarth yn derbyn £4,000, gyda’r prosiect yn yr ail safle yn derbyn £2,000, a’r prosiect yn y trydydd safle yn cael £1,000.
Os yn llwyddiannus, bydd yr arian yn helpu Y Gorlan i gwblhau Cam 2 eu gweddnewidiad o’r ardd! Cwblhawyd Cam 1 ym mis Tachwedd 2018, gyda gwaith fel plannu bylbiau ar gyfer y Gwanwyn, adeiladu sedd gariad i’r ardd a nifer o welyau wedi’u llenwi â phlanhigion ffrwythau a pherlysiau.
Cynhaliwyd y gwaith ailwampio mewn partneriaeth â Elfennau Gwyllt, menter gymdeithasol ddielw sy’n ymrwymedig i gael pobl yng ngogledd Cymru allan i’r awyr agored a chysylltu pobl â natur, gwella bywydau, cyfleoedd a dyheadau.
Eglurodd Rowena Maxwell, y Swyddog Tai Pobl Hŷn:
“Mae’r ardd yn edrych yn wych yn dilyn Cam 1, gyda’r cennin pedr, eirlysiau a blodau saffrwm eisoes yn dechrau ymddangos. Ond rydym am wella’r gwaith caled a wnaed eisoes gan Wild Elements. Byddai’r arian yn ein helpu i wella hygyrchedd yr ardd a darparu man cysgodol i eistedd ac annog cyfleoedd ar gyfer cymdeithasu a gweithgareddau. Rydym hefyd yn gobeithio datblygu sawl ardal synhwyraidd o’r ardd wedi’u llenwi â phlanhigion persawrus a gweadog.”
Dywedodd Tom Cockbill, Cyfarwyddwr Elfennau Gwyllt,
“Mae’r tîm Elfennau Gwyllt yn edrych ymlaen at gam 2 gerddi Y Gorlan. Mi wnaeth y bobl a oedd yn dilyn cymwysterau yn ystod cam 1 fwynhau’r prosiect yn fawr, ac ar ddiwedd cam 1 mi ddywedodd un gŵr a oedd yn byw yn Y Gorlan bod y prosiect wedi rhoi ‘rhywbeth iddo fyw drosto’. Rydym wrth ein boddau efo ymateb fel hyn gan ei fod yn dweud wrthym ein bod wedi gwneud gwahaniaeth.”
“Bydd ymestyn y gerddi ymhellach yn gwneud gwahaniaeth mawr i fywydau preswylwyr Y Gorlan, gan roi llecyn gwyrdd, hyfryd yng nghanol y dref iddynt dreulio eu hamser, yn garddio a chymdeithasu efo’i gilydd.”
“Mae gwirfoddolwyr Elfennau Gwyllt hefyd ar eu hennill o’r prosiect, gan ei fod yn eu galluogi i ennill sgiliau newydd, cynyddu hyder a hunan-barch a gwella eu cyflogadwyedd.”
Felly a fyddech cystal â helpu Y Gorlan a bwrw ei’ch pleidlais drwy gydol misoedd Mawrth ac Ebrill! I bleidleisio, y cyfan sydd angen i chi ei wneud yw cymryd y tocyn a gewch gyda phob trafodyn a’i blannu yn y blychau arbennig ger y fynedfa.
Gall cael cymydog da wneud byd o wahaniaeth i’r gymuned ac mae hyn yn rhywbeth rydym yn hoff o’i wobrwyo. Mae ein gwobrau yn talu teyrnged i denantiaid Tai Gogledd Cymru sydd wedi gwneud gwahaniaeth arwyddocaol i fywydau eu cymdogion neu i’r gymuned leol.
Rydym yn falch iawn o gyhoeddi enillwyr Gwobrau Cymdogion Da eleni:
Mae’r enillwyr wedi cael £50 o dalebau siopa fel arwydd o ddiolch am fod yn gymdogion mor dda a mynd yr ail filltir.
Dywedodd Iwan Evans, Cydlynydd Cyfranogiad Tenantiaid
“Mae’r gwobrau yma’n rhoi cyfle i ni gydnabod a thalu teyrnged i’n tenantiaid sydd yn mynd yr ail filltir ar gyfer eu cymdogion. Hoffem longyfarch pawb gafodd eu henwebu am eu gweithredoedd o garedigrwydd.”
Diolch i bawb wnaeth gymryd yr amser i enwebu eu cymdogion.
Mae hostel Santes Fair a’r Tîm Allgymorth ac Adsefydlu yn cynnig gwasanaeth giât ym Mangor. Mae’r gwasanaeth yn darparu cefnogaeth hanfodol er mwyn helpu’r digartref i aros yn gynnes a sych, gan gynnig bwyd, eitemau dillad a darpariaethau gwersylla argyfwng iddynt fel pebyll a sachau cysgu.
Rydym yn dibynnu’n helaeth ar roddion gan unigolion a busnesau er mwyn gallu helpu i gadw’r gwasanaeth i fynd.
Nid oes gennym unrhyw bebyll neu sachau cysgu chwith ar hyn o bryd. Gyda tywydd oer prysur agosáu mae hyn yn sefyllfa bryderus.
Dylai unrhyw un sy’n dymuno gwneud cyfraniad alw heibio Hostel Santes Fair ar Lôn Cariadon, Bangor, neu gysylltu â 01248 362211 ar gyfer trefniadau arall.
Gallwch ddarllen rhifyn Nadolig o Glwb Seren, Cylchlythyr Denantiaid Tai Gogledd Cymru, ar-lein yma.
Mae ychydig o uchafbwyntiau rhifyn hwn yn cynnwys ‘Cornel y plant newydd!’ tudalen 6; ‘Cystadleuaeth Garddio Tai Gogledd Cymru!’ tudalen 4 ; ‘Talu eich rhent 24/7 dros y ffôn’ tudalen 7 a ‘Paratoi ar gyfer Credyd Cynhwysol mewn 3 cam hawdd’ tudalen 9.
Nodyn i’ch dyddiadur: Sgwrs Facebook: Holi ein Prif Weithredwr, Dydd Mawrth 19 Ionawr, 2yp – 3ypwww.facebook.com/northwaleshousing.
Oes gennych chi stori ar gyfer y rhifyn nesaf y Clwb Seren? E-bostiwch hi i [email protected] neu drwy’r post at: Sian Parry, Tai Gogledd Cymru, Plas Blodwel, Broad Street. Cyffordd Llandudno. Conwy. LL31 9HL
Bydd Prosiect Bus Stop yn ymweld â Maes Y Llan, Towyn o mis Hydref i Rhagfyr.
Dewch i gymryd rhan mewn amrywiaeth o weithgareddau anffurfiol a hwylus sydd yn cael ei gynnal ar eich stâd.
Byddem yno ar y dyddiadau canlynol:
Mae pob sesiwn AM DDIM ac yn agored I unrhyw oed. Bydd y sesiynau yn cael eu cynnal o’r Bws Bus Stop ar eich stâd.
