Cwrdd â'r Bwrdd

Roi wyneb i enw a darganfod mwy am aelodau ein Byrddau a Phwyllgorau Rheoli.

Gallwch gael gwybod mwy am bob aelod drwy glicio ar eu henwau.

Neidio i...

Bwrdd Grŵp

Ymunodd: Ionawr 2020

Mae Catherine yn Brif Weithredwr Cymdeithas Tai Grŵp Muir yng Nghaer. Yn flaenorol, bu Catherine yn gweithio yn GreenSquare fel Cyfarwyddwr Gweithredol (Datblygu Sefydliadol a Gwasanaethau Corfforaethol) yn Wiltshire a chyn hynny fel Cyfarwyddwr Cymorth Busnes gyda Synergy Housing yn Dorset. Mae gan Catherine flynyddoedd lawer o brofiad yn y maes tai a gweithio i awdurdod lleol ym myd addysg, gwasanaethau cymdeithasol a’r gwasanaeth tân ac achub. Mae Catherine yn Gadeirydd Llywodraethwyr yn Ysgol Sant Dunawd ym Mangor-is-y-coed. Mae gan Catherine Radd Meistr mewn Gweinyddu Busnes (MBA) ac mae'n Ysgrifennydd a Gweinyddwr Siartredig (ACIS).
Catherine Dixson
Cadeirydd
Darllen mwy
Ymunodd: Ionawr 2018

Ar hyn o bryd mae Dylan yn Bennaeth Cyfrifeg Ariannol ym Mhrifysgol Bangor ac mae ganddo ystod eang o sgiliau cyfrifeg rheolaeth ac ariannol. Mae ganddo hefyd brofiad rheoli archwilio mewnol ac allanol helaeth ynghyd â phrofiad ymarferol o gydymffurfio gyda systemau rheoleiddiol a llywodraethu gan weithio yn y gorffennol yn PricewaterhouseCoopers a WaterfordWedgwood. Hyfforddodd Dylan gyda’r Archwiliad Dosbarth yng ngogledd Cymru ac mae'n siaradwr Cymraeg rhugl. Mae gan Dylan radd mewn Cyllid a Chyfrifyddu Ewropeaidd ac mae'n aelod o Sefydliad Siartredig Cyllid Cyhoeddus a Chyfrifeg.
Dylan James
Is-Gadeirydd
Darllen mwy
Ymunodd: Rhagfyr 2016

Mae Ian yn bartner gyda Brabners LLP ac mae'n arbenigo mewn cynghori’r sector tai cymdeithasol a chleientiaid eraill ar reoli tai, eiddo ac anghydfod ac ymgyfreitha masnachol, ymgyfreitha cysylltiedig â chyflogaeth ac adolygiadau barnwrol ac achosion hawliau dynol. Mae'n gyfryngwr cymwysedig ac yn aelod o CIH a'r Gymdeithas Ymgyfreitha Eiddo.
Ian Alderson
Cadeirydd y Pwyllgor Llywodraethu
Darllen mwy
Ar ôl hyfforddi fel Syrfëwr Meintiau ac amser byr yn gweithio yn y proffesiwn yng ngogledd Cymru, ymunodd Neill â Heddlu Gogledd Cymru yn 1992 a gwasanaethodd yn y rhengoedd mewn sawl rôl o heddwas PC hyd at Brif Gwnstabl Cynorthwyol mewn llawer o adrannau gwahanol, yn ogystal â chyflawni rolau llywodraethu uwch swyddogion strategol a gweithredol nes ei ymddeoliad ym mis Chwefror 2022. Ar ôl cysylltu ag eraill sy'n ymgymryd â gweithgareddau elusennol ac ymddiriedolwyr, gofynnwyd iddo wneud rhywfaint o waith ymgynghori a llywodraethu strategol ar gyfer elusen dai leol sy'n cefnogi unigolion oedrannus mewn angen. Dros gyfnod o 10 mis yn gweithio fel ymgynghorydd, cyflwynodd a gweithredodd Neill arferion llywodraethu a pholisi wedi'u diweddaru ar gyfer yr elusen yn unol â chanllawiau cenedlaethol priodol. Yn ogystal, gwirfoddolodd fel swyddog diogelu’r elusen i gynorthwyo mewn maes a oedd yn peri risg ac yn amlygu diffyg cyfeiriad a phrofiad proffesiynol. Rhoddodd y rôl ddiogelu hon bersbectif newydd i Neill ar anghenion rhai unigolion yn y sector tai cymdeithasol. Ar ddechrau 2023 yn dilyn cais gan Lywodraethwyr yr elusen/Cyfarwyddwyr Cwmni, cymerodd Neill yr awenau i redeg elusen Goodman & Ruthin yn uniongyrchol er mwyn parhau ac ehangu ar y gwaith yr oedd wedi’i ddechrau ychydig fisoedd ynghynt. Mae Neill yn parhau mewn rôl ran-amser fel ysgrifennydd/clerc/rheolwr cyffredinol y cwmni. Mae hefyd yn gwirfoddoli i'r cyngor cymuned lleol ac yn gwneud gwaith yn y gymuned i wella'r amgylchedd.
Neill Anderson
Cadeirydd y Panel Preswylwyr
Darllen mwy
Ymunodd: Medi 2020

Sarah yw Pennaeth Ymgynghoriaeth Pennington Choices, gan ddarparu cefnogaeth strategol i sefydliadau ar draws ystod o sectorau ledled y DU. Cyn hynny, bu Sarah yn gweithio yn Muir Housing Group fel Cyfarwyddwr Cynorthwyol Cymorth Busnes a Phennaeth Newid Strategol ar gyfer Heddlu a Gwasanaeth Tân Swydd Gaer. Mae gan Sarah flynyddoedd lawer o brofiad ar draws y sectorau cyhoeddus a dielw gan arwain rhaglenni newid digidol a sefydliadol cymhleth ac ar raddfa fawr. Treuliodd Sarah wyth mlynedd gyda'r Comisiwn Archwilio fel Arolygydd Asesu Corfforaethol ac Arbenigwr Perfformiad, yn ogystal ag amser gydag Arolygiaeth Cwnstabliaeth Ei Mawrhydi a Swyddfa'r Cabinet fel Adolygydd Sicrwydd Porth ar gyfer prosiectau llywodraeth sylweddol. Sarah yw Is-gadeirydd Rhwydwaith Merched mewn Tai Cymdeithasol (NW) ac mae'n aelod o'r Sefydliad Rheoli Risg. Mae ganddi Radd Meistr mewn Gweinyddu Busnes (MBA) a Gradd Anrhydedd ar y Cyd.
Sarah Davies
Cadeirydd y Pwyllgor Archwilio a Risg
Darllen mwy
Mae Tal, sydd hefyd yn siaradwr Cymraeg rhugl, wedi cael gyrfa amrywiol ac ar hyn o bryd mae’n Brif Weithredwr Cyngor ar Bopeth Gwynedd. Yn y rôl hon mae'n gyfrifol am reoli'r holl staff a gwasanaethau; datblygu, gweithredu a monitro cynlluniau busnes; a chynghori'r corff llywodraethu ar faterion ariannol, staffio a chyflwyno gwasanaethau. Mae wedi cadeirio gweithgorau aml-asiantaeth yng Ngwynedd ar ddiwygio lles a gwella mynediad digidol. Gwasanaethodd Tal am bedair blynedd fel un o ddau (o 19) Prif Weithredwr yng Nghymru ar Bwyllgor Cyngor ar Bopeth Cymru, fel aelod o Dasglu Llywodraeth Leol Cymru a Lloegr a grŵp cyswllt ar faterion gweithredol ac fel Ysgrifennydd partneriaeth cyngor gogledd Cymru. Cyn hynny, Tal oedd Prif Weithredwr Awdurdod Heddlu Gogledd Cymru yn gweithredu fel Prif Gynghorydd a Swyddog Monitro Awdurdod yr Heddlu, a oedd yn gyfrifol am benodi prif swyddogion, gosod amcanion strategol a dwyn y prif swyddogion i gyfrif. Roedd yn rheoli ysgrifenyddiaeth fechan (cyfanswm o saith aelod o staff) ac yn arwain yn bersonol ar gyfathrebu - gyda'r cyfryngau a chyda rhanddeiliaid allweddol gan gynnwys ASau, Aelodau Cynulliad Cymru a'r chwe awdurdod lleol. Mae Tal wedi dal nifer o swyddi mewn llywodraeth leol, gan gynnwys Cyfarwyddwr Strategol Polisi, Partneriaethau a Llywodraethu yng Nghyngor Bwrdeistref Metropolitan Doncaster, Prif Weithredwr Cynorthwyol Polisi a Chyfathrebu ym Mwrdeistref Hackney yn Llundain, a Phennaeth Polisi Corfforaethol ym Mwrdeistref Barnet yn Llundain. Mae hefyd wedi bod yn ymchwilydd yn Nhŷ’r Cyffredin a bu’n ymgeisydd yn is-etholiad Ynys Môn 2013 ar gyfer Cynulliad Cenedlaethol Cymru
Tal Michael

Darllen mwy
Ymunodd: Medi 2020

26Mae Derwyn yn Bensaer Siartredig ac mae'n gweithio fel Landlord Corfforaethol yng Nghyngor Bwrdeistref Metropolitan Walsall ac mae'n arbenigo mewn Rheoli a Datblygu Ystadau o fewn yr Ystâd Gyhoeddus. Mae ganddo ystod eang o brofiad yn y sectorau Preifat a Chyhoeddus ar ôl gweithio yn y gorffennol fel Pennaeth Rheoli Eiddo a Gwasanaethau Asedau yng Nghyngor Conwy ac fel Cyfarwyddwr Gwasanaethau Eiddo a Champws ym Mhrifysgol Bangor.
Derwyn Owen

Darllen mwy
Mae Elin yn Gyfreithiwr cymwysedig gyda Darwin Gray LLP sy’n arbenigo mewn pob math o drafodion eiddo masnachol, prynu a gwerthu eiddo rhydd-ddaliadol a phrydlesol, caffael a gwaredu safleoedd datblygu, gwerthu lleiniau preswyl, landlord a thenant a rheoli tai. Mae Elin hefyd yn ysgrifennydd Cymdeithas y Gyfraith Gwynedd.
Elin Davies

Darllen mwy
Mae Richa yn rheolwr prosiect a rhaglen profiadol, gyda ffocws cryf ar effaith gymdeithasol ac iechyd meddwl. Mae ei gyrfa wedi’i ffurfio gan ei hangerdd dros gefnogi’r rhai mwyaf agored i niwed, ac mae hyn wedi ei harwain i weithio gyda rhai sefydliadau a mentrau anhygoel sy’n ceisio gwneud gwahaniaeth. Mae Richa wedi gweithio yn y sector elusennol ers sawl blwyddyn bellach, yn dilyn gweithio mewn rolau Seicoleg rheng flaen ar ôl gorffen yn y brifysgol. Gweithiodd i ddechrau ym maes datblygu rhyngwladol (trwy raglenni addysg ac iechyd) cyn gweithio mewn amrywiaeth o elusennau iechyd meddwl ac yn fwyaf diweddar, y Samariaid. Ar hyn o bryd mae Richa yn Rheolwr Gweithredu gyda Support After Suicide Partnership, o fewn y Samariaid ac mae’n arwain ar waith gyda GIG Lloegr i sicrhau bod cymorth profedigaeth hunanladdiad yn cael ei gynnig ym mhob rhan o’r wlad ac mae ôl-ymyrraeth yn parhau i fod yn rhan annatod o’r agenda atal hunanladdiad. Mae Richa yn gweithio'n agos gyda phobl sydd â phrofiad o fyw ac o gymunedau ymylol ac ar hyn o bryd mae'n Gadeirydd Rhwydwaith Pobl Lliw o fewn y Samariaid. Mae hi’n credu y dylem ni i gyd fod yn gweithio’n barhaus tuag at gynyddu ein gwybodaeth a’n dealltwriaeth o degwch, a gwreiddio egwyddorion EDI mewn gwaith o ddydd i ddydd. Mae hi’n credu mai un o’r ffyrdd mwyaf effeithiol y gall cymdeithasau tai yng Nghymru wneud hynny, a dangos eu hymrwymiad i EDI, yw cofrestru ar gyfer gwobr QED Tai Pawb a bod yn agored i ddysgu a thyfu trwy eu taith QED. Pan nad yw’n gweithio, gallwch ddod o hyd iddi yn yr awyr agored, yn nofio’n wyllt ac yn heicio.
Richa Mitra

Darllen mwy