Cymdogion da yn cael eu gwobrwyo y Nadolig hwn

Mae gan bob cymuned berson sy’n mynd gam ymhellach i helpu eu cymdogion. Roeddem yn teimlo y dylid dathlu’r bobl hyn, a dyna pam y gwnaethom lansio gwobr Cymydog Da TGC.

Fe wnaethom ofyn i bobl enwebu’r rhai sy’n gwneud gwahaniaeth i ble maent yn byw, bob amser yn cadw golwg ar eu cymdogion ac yn barod i roi help llaw pan fydd angen.

Cawsom rai enwebiadau gwych, yn llawn enghreifftiau o gymdogion yn cefnogi ei gilydd. Fe wnaethom ystyried yr enwebiadau ac rydym yn falch o ddatgelu mai’r ddau enillydd yw Rachel Turnbull o Noddfa a Dorothy Caudwell o Llys y Coed. Darganfyddwch pam y cawsant eu henwebu isod:

Rachel Turnbull, Noddfa

Mae Rachel yn gwirfoddoli tridiau’r wythnos yn coginio ac yn bwydo’r digartref. Mae hi hefyd yn mynd gam ymhellach wrth baratoi a rhoi prydau bwyd i’w chyd-breswylwyr. Bydd yn coginio prydau iddynt, gan wneud yn siŵr bod anghenion pawb yn cael eu diwallu, yn aml yn prynu cynhwysion o’i phoced ei hun. Bydd Rachael yn helpu unrhyw un mewn angen.

Dorothy Caudwell, Llys y Coed

Mae Dorothy yn helpu i drefnu llawer o weithgareddau adloniant ar gyfer ei chyd-breswylwyr ac mae wedi bod yn allweddol wrth geisio cael rhywfaint o normalrwydd yn ôl yn dilyn Covid. Mae hi’n chwarae rhan bwysig iawn yn adeiladu’r ysbryd cymunedol yn Llys y Coed.

Diolch i chi’ch dau am fod yn gymdogion mor anhygoel! A diolch i bawb a gymerodd yr amser i enwebu.