Roedd staff Tai Gogledd Cymru eisiau rhoi rhywbeth yn ôl y Nadolig hwn ac felly sefydlwyd ymgyrch ar draws y sefydliad i bobl gyfrannu rhoddion ar gyfer Banc Bwyd.
Yn ystod yr wythnos cyn eu cinio Nadolig, bu gweithwyr y gymdeithas dai yn cyfrannu rhoddion yn eu swyddfa yng Nghyffordd Llandudno.
Y rhai tu ôl i’r fenter hon oedd Ben Hamer, Carwyn George a Hannah Dalton, sef ‘Sêr y Dyfodol’ rhaglen hyfforddi ar gyfer gweithwyr addawol Tai Gogledd Cymru.
Eglurodd Hannah Dalton:
“Yn Tai Gogledd Cymru, rydym yn frwd dros helpu pobl eraill. Mae cost gynyddol bwyd yn her i deuluoedd a gall y Nadolig fod yn arbennig o anodd ac roeddem am helpu mewn rhyw ffordd.
“Mae’r ymateb i’r ymgyrch rhoddion wedi bod yn anhygoel, mae wedi bod yn llawer gwell na’r disgwyl rydym yn hynod falch o’r holl roddion a gyfrannwyd.”
Cafodd y mynydd o roddion ei roi i Fanc Bwyd Canolfan Gymunedol Ty Hapus yn Llandudno cyn y Nadolig.
Dywedodd Jayne, Rheolwr Canolfan yn Ty Hapus:
“Diolch i staff Tai Gogledd Cymru am eu cyfraniad, bydd hyn yn helpu nifer o deuluoedd dros y Nadolig.
Bydd y rhoddion hyn yn cael eu defnyddio i greu parsel arbennig gan roi digon o fwyd i ddarparu 3 pryd am 7 diwrnod. Rydym hefyd yn credu’n gryf fod pawb yn haeddu Nadolig, ac yn cynnwys ‘nwyddau moethus’ yr ydym efallai yn eu cymryd yn ganiataol, e.e. mins peis, pwdinau Nadolig, siocled.”
Os hoffech gyfrannu eitemau ar gyfer Banc Bwyd Ty Hapus, gallwch alw heibio a’u gollwng yng Nghanolfan Gymunedol Ty Hapus, Ffordd Penrhyn, Llandudno, Conwy, LL30 1HB
Mae Protocol Herbert wedi ei lansio yng Gnogledd Cymru fel menter newydd ar y cyd rhwng cymdeithas Alzheimer, Bwrdd Diogelu Gogledd Cymru a Heddlu Gogledd Cymru.
Mae’r protocol wedi ei enwi ar ôl George HERBERT, cyn filwr glaniadau Normandi oedd yn ddioddef o gyflwr dementia. Bu farw George tra “ar goll” ar ei ffordd yn ôl i gartref ei blentyndod.
Nôd y protocol Herbert yw i leihau amser ymateb yr Heddlu pan maen nhw yn derbyn adroddiad am berson bregus gyda chyflwr meddygol fel dementia wedi mynd goll, a methu dychwelyd adref yn annibynnol a diogel. Ffurflen wybodaeth yw’r protocol sy’n cael ei chwblhau gyda’r unigolyn a’i chadw gan y sefydliad sydd weid cblhau’r ffurflewn er mwyn sicrhau ei bod yn cael ei diweddaru.
Mae’r ffurflen yn gofyn am wybodaeth bersonol fel, manylion personol, perthynas agosaf, gwybodaeth feddygol, gallu teithio, swyddi, diddordebau (gorffennol a’r presennol), mannau allent ymweld â nhw, srferion wythnosol, llefydd mae’r unigolyn wedi cael ei ddarganfod yn flaenorol, a llun diweddar.
Mae’r protocol yn sicrhau bod yr holl wybodaeth yma wedi’i gasglu o flaen llaw, fel ei fod o help i’r Heddlu i ymateb yn gyflymach ac i ddod o hyd i berson sydd ar goll. Mae ystadegau’n profi y cynharaf mae adroddiad o berson ar goll yn cael ei wneud i’r heddlu, a’r cynharaf mae’r chwiliad yn cychwyn yr uwch yw’r siawns o’u canfod yn fyw ac iach.
Galwch lenwi ffurflen protocol Herbert ar-lein neu’n ysgrifenedig, a bydd gofyn i chi ei chadw a’i diweddaru. Bydd yr heddlu ddim ond yn gofyn am y ffurflen os yw’r person yn mynd ar goll. Bydd modd ebostio copi electronig i ystafell reoli yr Heddlu neu rhoi copi ysgrifenedig i’r swyddog cyntaf i ymateb.
Gallwch lawrlwytho gwybodaeth bellach a chopi o’r ffurflen wybodaeth trwy ddilyn y ddolen isod:
https://www.north-wales.police.uk/advice-and-support/stay-safe/herbert-protocol?lang=cy-gb
Roedd cacennau’n hedfan oddi ar y silffoedd fis Medi yma mewn Boreau Coffi Macmillan ar draws ein cynlluniau preswylwyr.
Mae ein cynlluniau Pobl Hŷn yn cymryd rhan yn yr her bob blwyddyn, gan fwynhau cacennau blasus dros baned o goffi. Eleni mi wnaethon nhw lwyddo i godi cyfanswm anhygoel o £1,497.50!
Cododd y Metropole ym Mae Colwyn hefyd £125.00 gwych trwy gynnal bore coffi yn eu fflatiau.
Bore Coffi Mwyaf y Byd yw digwyddiad codi arian mwyaf Macmillan i bobl sy’n wynebu canser. Mae Macmillan yn gofyn i bobl ledled y Deyrnas Unedig gynnal eu Boreau Coffi eu hunain ac mae’r rhoddion ar y diwrnod yn mynd i Macmillan.
Da iawn i bawb a gymerodd ran a chodi’r holl arian.
Mae staff Tai Gogledd Cymru (TGC) wedi codi bron i £7,000 i’r elusen leol, Hosbis Dewi Sant, fel rhan o’u hymgyrch i godi arian i elusennau.
Codwyd y cyfanswm drwy gynnal llif cyson o weithgareddau ers mis Ebrill 2016. Mae’r rhain wedi cynnwys cymryd rhan mewn ras gychod Dreigiau, ffair haf, ffair Nadolig, Bake Off eu hunain yn ogystal ag arwerthiant ar-lein ar Facebook.
Esboniodd Emma Williams, Cadeirydd y grŵp elusen:
“Mae ein hymgyrch codi arian yn TGC yn mynd o nerth i nerth bob blwyddyn. Rydym wedi curo ein targed codi arian eto eleni, gan godi llawer mwy na’r targed o £4,000 a osodwyd.”
“Rydyn ni’n gwneud hyn yn ein hamser ein hunain, felly mae ymroddiad y staff, a’r Grŵp Elusen yn benodol, wir yn cael ei werthfawrogi. Rydyn ni’n cael llawer o hwyl wrth wneud hyn, ac mae wedi bod yn ffordd wych i bawb i ddod i’w hadnabod ei gilydd.”
Canmolodd Kathryn Morgan-Jones, Swyddog Datblygu Busnes yn Hosbis Dewi Sant, y grŵp tai am godi cymaint o arian i’r elusen leol. Dywedodd:
“Rydyn ni’n hynod o ddiolchgar i staff Tai Gogledd Cymru a’u preswylwyr am eu cefnogaeth hael; mae wir yn gwneud gwahaniaeth mawr i fywydau pobl leol sy’n cael eu heffeithio gan salwch difrifol. Mae eu hawydd i wneud gwahaniaeth wedi ein helpu ni i wneud bob dydd yn werthfawr i’n cleifion a’u teuluoedd.”
“Y llynedd fe wnaethon ni ofalu am dros 1,000 o bobl o fewn ein cymuned leol ac rydyn ni’n disgwyl i’r nifer gynyddu’n sylweddol yn y dyfodol, a fydd yn anorfod yn cynyddu costau. Mae arnom angen dros £3 miliwn bob blwyddyn i ddarparu gwasanaeth clinigol. Gan mai 14% yn unig sy’n dod oddi wrth y GIG rydym ni, a byddwn yn parhau i, ddibynnu ar ewyllys da ac ymdrechion i godi arian gan y cyhoedd.”
Mae Tai Gogledd Cymru yn dewis elusen newydd bob blwyddyn ariannol. Bydd enw’r elusen am 2017/18 yn cael ei gyhoeddi yn fuan.
Derbyniodd gwasanaeth Tai Gogledd Cymru i’r digartref rhodd o £339 gan gynllun ‘Community Matters’ archfarchnad Waitrose, Porthaethwy ym mis Chwefror.
Lansiwyd cynllun Blwch Tocynnau Gwyrdd ‘Community Matters’ Waitrose yn 2008, gan alluogi siopwyr i ddewis elusen leol i’w chefnogi. Mae pob siopwr yn derbyn tocyn plastig gwyrdd i’w rhoi mewn blwch arbennig er mwyn cyfrannu at achos da o’u dewis.
Cyflwynwyd y siec o £339 i Aled Bebb, Gweithiwr Cymorth Ailsefydlu o fewn y Tîm Allgymorth ac Ailsefydlu, sy’n gweithio gyda digartref stryd ym Mangor a’r cyffiniau.
Meddai Aled:
“Hoffwn ddiolch yn fawr i gwsmeriaid Waitrose a ddewisodd gefnogi ein helusen. Rydym yn dibynnu’n fawr ar roddion fel hyn er mwyn gallu helpu i gadw’r gwasanaeth i fynd felly bydd hyn yn gwneud gwahaniaeth mawr.”
“Mae’r gwasanaeth rydym yn ei gynnig i’r digartref yn darparu cymorth hanfodol i’w helpu i gadw’n gynnes a sych, gan gynnig bwyd, eitemau dillad a darpariaethau gwersylla argyfwng fel pebyll a sachau cysgu.”
Os hoffech roi cyfraniad galwch heibio Hostel Santes Fair ar Lôn Cariadon ym Mangor, neu ffoniwch 01248 362211 i drafod ymhellach.
Wnaeth Tai Gogledd Cymru gynnal ocsiwn ar-lein ar ein tudalen Facebook o fis Tachwedd ymlaen i godi arian i Hosbis Dewi Sant.
Rhestrwyd 81 o eitemau i gyd, o pethau ar gael yn cynnwys drill Makita, ticedi Sw Gaer, radio digidol, Sw Mor Ynys Môn a taleb £20 Amazon.
Mae’r eitemau i gyd wedi cael eu gwerthu ac mae’r ocsiwn wedi hel cyfanswm anhygoel o £1,095.10 i Hosbis Dewi Sant.
Diolch pawb wnaeth roi cynnig!
Mae’r Tîm yn ein swyddfa Atgyweirio yn ail-greu eu fersiwn eu hunain o Bake Off i godi arian i Hosbis Dewi Sant.
Bob dydd Llun wnaeth un o’r cystadleuwyr ddod a chacen mewn gwnaethant bobi. Wnaeth y 8 person cyntaf wnaeth brynu darn dderbyn nodyn sgorio a sgorio’r gacen allan o 5 a gadael esboniad.
Mae’r gacen olaf wedi cael ei goginio, y pleidleisiau wedi eu cyfri a’r enillwr yw… Stephanie Clueit, Cyfarwyddwr Cynorthwyol Cartrefi! Yn ail oedd Rebecca Kennerley ac yn drydydd oedd Angela Croghan.
Mae’r gystadleuaeth wedi codi £82 i Hosbis Dewi Sant.
Mae’r Dderbynfa yn Llys y Coed wedi cael ‘Winter Wonderland makeover’!
Mae Rheolwr Llys y Coed Cheryl Haggas a’i ffrindiau wedi addurno derbynfa’r cynllun Gofal Ychwanegol yn Llanfairfechan er mwyn hel arian i Mae Cymdeithas Clefyd Niwronau Motor.
Eglurodd Cheryl:
“Rydym yn addurno’r cynllun bob blwyddyn; mae’n ein helpu ni i deimlo’n Nadoligaidd! Y flwyddyn hon wnaethom ni benderfynu hefyd hel arian i elusen.”
“Mae ymwelwyr yn cael gwahodd i gyfrannu at yr elusen os meant yn gwerthfawrogi’r olygfa Nadoligaidd. Rydym wedi casglu £50 yn barod; mae gennym ni galendr llawn digwyddiadau cyn y Nadolig felly dwi’n siŵr fydd hwn lot mwy cyn diwedd Rhagfyr!”
Roedd Ffair Nadolig cyntaf Tai Gogledd Cymru yn llwyddiant mawr; codwyd dros £740 i elusen leol Hosbis Dewi Sant.
Daeth oedolion a phlant draw i’r diwrnod Nadoligaidd yn Ganolfan Cymunedol Tŷ Hapus yn Llandudno. Wnaethant fwynhau’r nifer o stondinau crefft brydferth a chwarae’r nifer o gemau ar gael.
Wnaeth Sïon Corn a Elsa o Frozen hefyd ddod draw, gan fwynhau siarad gyda’r plant am eu rhestr hir i Sïon Corn!
Dywedodd Emma Williams, Cadeirydd panel elusen TGC:
“Diolch i bawb wnaeth helpu gwneud y digwyddiad ddigwydd; roedd yna lot o waith caled yn ymglymedig gyda’r digwyddiad. Diolch hefyd i bawb wnaeth ddod draw a gwario eu pres! Bydd yr holl elw yn mynd at Hosbis Dewi Sant, ein helusen o ddewis ar gyfer y flwyddyn hon.”
Dywedodd Kathryn Morgan-Jones, Hosbis Dewi Sant:
“Rwyf yn hynod o falch roedd Ffair Nadolig cyntaf Tai Gogledd Cymru yn llwyddiant. Wnaeth y nifer o stondinau crefft, gemau ac anrhegion Nadolig ddenu gymaint o gefnogwyr a hel sŵn nodedig i Hosbis Dewi Sant.
“Mae cymorth Tai Gogledd Cymru yn gwneud gwahaniaeth mawr, mae’n ein galluogi i helpu llawer mwy o gleifion a theuluoedd o Gonwy, Gwynedd ac Ynys Môn sydd wedi eu heffeithio gan salwch datblygedig.”
“Rwy’n edrych ymlaen at barhau i gefnogi staff Tai Gogledd Cymru gyda’u hymdrech hel pres ac ar ran ein holl gleifion, teuluoedd, gorfoleddir a staff byswn yn hoffi ymestyn diolch enfawr.”
Ym mis Medi eleni anfonodd hostel Santes Fair i’r digartref ym Mangor apêl brys am roddion wrth i gyflenwadau eu gwasanaeth i’r digartref fynd yn beryglus o isel.
Camodd adran Pobl Hŷn a phreswylwyr Tai Gogledd Cymru i’r adwy gan gydweithio i gasglu rhoddion.
Esboniodd Eirlys Parry, y Pennaeth Pobl Hŷn, pam eu bod wedi penderfynu helpu:
“Wedi i ni ddarllen yn ein newyddlen am y prinder roeddem yn awyddus iawn fel adran i helpu. Mae estyn cymorth yn cychwyn ar garreg ein drws ac roeddem yn hynod awyddus i helpu ein cydweithwyr. Mae’r tenantiaid Pobl Hŷn hefyd yn wirioneddol dda am godi arian ar gyfer gwahanol elusennau drwy gydol y flwyddyn, felly roeddem yn gwybod y byddent yn gwneud yn dda.
“Daeth preswylwyr ar draws Gogledd Cymru at ei gilydd i gasglu, gan ddethol o’u casgliadau eu hunain yn ogystal â rhai ffrindiau a theuluoedd. Roedd y canlyniad yn anhygoel, ac roedd pawb yn hynod o hael. Mi wnaethon ni gasglu pentwr o ddillad a bocsys yn orlawn o fwyd.”
Trosglwyddodd y Tîm y pentwr anferth o roddion i Hostel Santes Fair ar Lôn Cariadon, Bangor mis Hydref.
Roedd Rob Parry, Rheolwr Cynllun yn y Santes Fair, wrth ei fodd efo’r rhodd:
“Rydym yn hynod o ddiolchgar i’r adran Pobl Hŷn a’r preswylwyr am eu haelioni, a hoffwn ddiolch yn fawr iddynt am eu cefnogaeth.”
“Mae’r gwasanaeth clwyd a gynigir yn y Santes Fair i ddigartref y stryd ym Mangor yn dibynnu’n helaeth ar roddion er mwyn cadw i fynd. Gyda’r gaeaf oer yn agosáu roeddem yn bryderus bod ein stoc yn isel ac roedd dirfawr angen y rhodd hwn.”
Cael gwybod mwy am roddion angenrheidiol yma. Os hoffech chi gyfrannu unrhyw bebyll, sachau cysgu, dillad cynnes neu fwyd ewch ag unrhyw roddion draw i’r Santes Fair, Lôn Cariadon, Bangor neu cysylltwch â 01248 362211 ar gyfer trefniadau eraill.
