Diolch i bawb a gymerodd yr amser i gwblhau ein Harolwg Boddhad Tenantiaid ym mis Hydref i Ragfyr 2015.
Llongyfarchiadau Mr a Mrs Blundell o Fangor a enillodd y Dabled Samsung Galaxy. Dyma lun o Mr Blundell yn derbyn y dabled fuddugol gan Iwan Evans, Cydlynydd Cyfranogiad Tenantiaid Tai Gogledd Cymru.
Mae canlyniadau’r arolwg, a fydd yn cael ei rannu i bawb cyn bo hir, yn helpu i lunio a gwella’r gwasanaethau yr ydym yn eu cynnig. Diolch unwaith eto i bawb.
Mae Cyfoeth Naturiol Cymru (yr enw newydd ar Asiantaeth yr Amgylchedd) ar hyn o bryd yn cynnal prosiect ymwybyddiaeth llifogydd ar draws Gogledd Cymru.
Mae’r prosiect wedi ei anelu at rhai rhwng 16-25 oed sydd â diddordeb yn yr amgylchedd a/neu sydd wedi cael rhywfaint o brofiad uniongyrchol neu anuniongyrchol o lifogydd.
Maen nhw’n bwriadu cynnal dwy sesiwn grŵp ffocws er mwyn rhoi cyfle i’r rhai sy’n cymryd rhan roi eu safbwynt ar ymwybyddiaeth o lifogydd a sut y gallai Cyfoeth Naturiol Cymru wella eu gwasanaethau yn y maes hwn.
Bydd unrhyw un sy’n cymryd rhan yn un o’r 2 sesiwn sydd ar gael yn cael taleb Amazon gwerth £40 fel diolch am helpu gyda’r prosiect.
Mae’r ddwy sesiwn yn cael eu cynnal ar y dyddiau yma:
Os hoffech gofrestru eich diddordeb, cysylltwch ag Iwan ar 01492 563232 neu [email protected]
Mae preswylwyr ar draws Conwy a Gwynedd yn cael eu gwahodd i ‘Enwebu Cymydog’ sy’n haeddu dathlu’r Nadolig yn gynnar gyda hamper yn llawn pethau da.
Mae Tai Gogledd Cymru unwaith eto yn lansio ei hymgyrch Nadolig flynyddol gydag 20 o hamperi Nadoligaidd blasus ar gael i’w hennill gan denantiaid sy’n byw yng Ngwynedd a Chonwy.
A ydyn nhw wedi dangos cefnogaeth ragorol i aelodau eraill o’r gymuned, wedi helpu i lansio menter neu brosiect cymunedol neu wedi bod yn gymydog wirioneddol wych? Rydym yn awyddus i glywed gan bawb!
Bydd yr enillwyr yn cael ymweliad gan tai Gogled Cymru y agosach at y Nadolig pan fydd Siôn Corn yn galw heibio i weld y cymdogion da yma, gyda’r ceirw a thîm o gynorthwywyr i gyflwyno’r hamperi yn llawn anrhegion da a rhannu tipyn o hwyl yr ŵyl.
Dywedodd Paul Diggory, Prif Weithredwr Tai Gogledd Cymru:
Dyma un o fy hoff bethau ar galendr Tai Gogledd Cymru! Mae yna ysbryd cymdogol yn parhau yn ein cymunedau ac rydym am ei ddathlu.
Manteisiwch ar y cyfle hwn i ddweud diolch i’ch cymdogion, ac enwebwch nhw heddiw! “
Y dyddiad cau ar gyfer enwebiadau yw dydd Llun, y 14 o Ragfyr 2015. Gallwch enwebu drwy anfon negeseuon testun enw, cyfeiriad a rheswm dros eich enwebiad i 07538254254 neu drwy lenwi ffurflen enwebu yma https://www.surveymonkey.com/r/Nadolig neu gan lawr lwytho a cwpwlhau y ffurflen yma ai ddychwelyd i:
Tai Gogledd Cymru, Plas Blodwel, Broad Street, Cyffordd Llandudno. Conwy LL31 9HL.
Mae Mrs Liliana Owen wedi troi ei hobi yn rhywbeth gwerth chweil go iawn, gan fynd ati i grosio a gwerthu 124 pabi coch er budd Apêl y Pabi mis Tachwedd, gan godi cannoedd o bunnoedd.
Roedd Liliana, 91 oed, yn difyrru’r amser trwy grosio pabis i’w chyd-breswylwyr yn natblygiad gofal ychwanegol Llys y Coed yn Llanfairfechan, ond yn gwbl annisgwyl mi wnaeth yr hobi dyfu’n rhywbeth mwy.
Eglurodd Mrs Liliana Owen:
Digwyddodd y cyfan ar ddamwain. Roeddwn yn gwneud pabis i breswylwyr ac mi wnaeth rhywun awgrymu fy mod yn eu gwerthu i godi arian at Apêl y Pabi.
Mi wnaethon nhw ddod yn boblogaidd iawn, ac mi wnes i ddechrau derbyn archebion am 10 ar y tro gan deulu a ffrindiau o bob cwr! Doedd crosio pabi ddim yn cymryd llawer o amser i mi, ac mi gefais help gan fy nghyd-breswylydd Mrs Eirwen Hughes.”
Mae Liliana yn crosio’n gyson ar gyfer achosion da, gan anfon ei chreadigaethau i nifer o elusennau megis Cancer Research UK i’w gwerthu ymlaen er mwyn codi arian. Mae hi hefyd yn cyflenwi dillad ar gyfer y babanod bach yn yr uned babanod cynamserol yn Ysbyty Bangor.
Rwy’n mwynhau crosio ac rwyf mor falch fy mod wedi gallu gwneud rhywbeth i helpu’r apêl a’n helpu i gofio.”
Mae Cribiniau ag Ystolion, tîm cynnal tiroedd mewnol Tai Gogledd Cymru, allan ag o gwmpas mis Tachwedd yma ac eisiau ein tenantiaid ymuno a nhw!
Bydd y tîm yn plannu, cynnal gweithdai, cynnig awgrymiadau a rhoi planhigion am ddim i ffwrdd!
Byddant yn y lleoliadau canlynol:
Planhigion, Potiau a Phatios, Maes y Llan, Towyn | 16 Tachwedd 3yp – 5yp
Dewch i ymuno â ni ar gyfer gweithdy planhigion gwely gaeaf a basgedi hongian a ddarperir gan Gribinau ac Ystolion. Cewch awgrymiadau garddio a phlanhigion AM DDIM! Croeso i bob oedran.
Y Plannu Mawr, Cae Bold, Caernarfon | 20 Tachwedd | 2yp – 5yp
Ymunwch â ni ar gyfer y plannu mawr! Bydd staff Cribiniau ac Ystolion a TGC yn plannu bylbiau cennin Pedr yng Nghae Bold, Caernarfon. Croeso i bob oedran.
Mwy o Wybodaeth
Am fwy o wybodaeth, cysylltwch ag Iwan Evans 01492 563232 [email protected]
Efallai y byddwch hefyd fod â diddordeb mewn… Cystadleuaeth Garddio Tai Gogledd Cymru
Mae preswylwyr Tai Gogledd Cymru yn Ffordd Eithinog a Lôn Mieri ym Mangor wedi gweddnewid darn o dir segur a’i droi yn ardd flodau gwyllt.
Cafwyd cefnogaeth arbennig o dda i’r prosiect pan ofynnwyd i breswylwyr beth yr hoffent ei weld ar y tir yma.
Arweiniodd Ann Williams, Arweinydd Prosiect Garddio Bywyd Gwyllt ar gyfer Ymddiriedolaeth Natur Gogledd Cymru sesiwn wybodaeth er mwyn i’r preswylwyr ddysgu mwy am y prosiect a bywyd gwyllt yn gyffredinol.
Cymerodd y preswylwyr ran trwy blannu blodau gwyllt, a chael help llaw staff TGC, Arweinydd y Prosiect Garddio Bywyd Gwyllt, a gwirfoddolwyr Ymddiriedolaeth Bywyd Gwyllt Gogledd Cymru.
Dywedodd Emma Briscoe, Swyddog Tai Cynorthwyol gyda Tai Gogledd Cymru:
Rwyf mor falch ein bod wedi gallu cynnwys Anna o Ymddiriedolaeth Bywyd Gwyllt Gogledd Cymru yn y gwaith o blannu’r cae a’r ardd flodau gwyllt gyda’n tenantiaid yn Eithinog, roeddwn wedi gobeithio ers tro y gallem wneud rhywbeth fel hyn ar y darn yma o dir.”
Bydd yn creu cynefin hynod bwysig ar gyfer gwenyn a thrychfilod ac yn cael effaith gadarnhaol ar yr amgylchedd a’r gymuned gyfan. Rydym yn gobeithio y bydd yr ysgol leol hefyd yn gallu defnyddio’r tir ar gyfer eu prosiectau bywyd gwyllt.”
Ychwanegodd Iwan Evans, Cydlynydd Cyfranogiad Tenantiaid, Tai Gogledd Cymru:
Mae wedi bod yn brosiect hynod lwyddiannus sydd wedi gweld cynnydd mewn ymgysylltiad gyda rhai o’r preswylwyr.”
Bydd digwyddiadau tebyg yn cael eu hysbysebu ar y Calendr Digwyddiadau neu gallwch weld y diweddaraf ar ein tudalenFacebook neu ein ffrwd Twitter.
Ydych chi rhwng 16 i 25 oed? Oes gennych chi rywbeth i ddweud am faterion tai sy’n effeithio pobl ifanc? Oes gennych chi ddiddordeb gweithio a’r prosiect gyda phobl ifanc eraill i daclo’r materion yma? Os oes, pam ddim ymuno ein grŵp newydd Rhwydwaith Tai Pobl Ifanc? Byddem yn cyfarfod yn Tŷ Hapus, Llandudno ar Ddydd Mawrth 14eg o Orffennaf am 5yh.
Peidiwch â phoeni am gyrraedd yno, gallwn eich helpu gyda hynny.
Os oes gennych ddiddordeb, cysylltwch â Gemma ar 07717543198 neu [email protected].
Mae gêm fwrdd newydd sbon wedi cael ei lansio sy’n amlygu realiti byw’n annibynnol i bobl ifanc yng ngogledd Cymru. Mae’r gêm wedi ei datblygu gan bobl ifanc sydd wedi cael profiad go iawn o’r anawsterau sy’n ymwneud â byw’n annibynnol a digartrefedd.
Sefydlwyd y gêm fwrdd ‘Byw yn Annibynnol’, a gefnogir gan Tai Gogledd Cymru, Grŵp Cynefin, Cartrefi Conwy a Phrosiect Bus Stop, o daflen wybodaeth a grëwyd i helpu pobl ifanc i ddysgu am sgiliau bywyd fel rheoli cyllideb a chostau byw.
Teimlai’r bobl ifanc oedd y tu ôl i ddatblygu’r gêm bod natur ryngweithiol gêm fwrdd yn ffordd hwyliog o gael pobl i siarad am y materion allai eu poeni wrth ddysgu am wirioneddau digartrefedd yr un pryd.
Gan ddod ar faterion yma’n fyw, cynhaliwyd gwaith ymchwil a sylweddoli bod yr elfen ryngweithiol o chwarae gêm fwrdd yn fwy buddiol i bobl ifanc na dilyn y llwybr arall, o greu gêm ddigidol.
Bydd y gêm a ddatblygwyd gan Rwydwaith Tai Ieuenctid, ar gael ar gyfer ysgolion a grwpiau cymunedol yng Nghonwy a Sir Ddinbych i’w ddefnyddio fel adnodd dysgu effeithiol.
Yn ôl Gemma Closs-Davies, Cydlynydd Prosiect Digartrefedd Ieuenctid:
Mae Byw yn Annibynnol yn debyg i’r gêm fwrdd Monopoly mewn sawl ffordd. Rydych yn teithio o gwmpas y bwrdd gan godi cerdyn sefyllfa wahanol a rhyngweithio. Mae gennych bedwar diwrnod pan fydd eich cyflog yn cyrraedd a phedwar diwrnod i dalu biliau yn ystod y gêm, ac mae angen i chi reoli eich arian i sicrhau bod gennych ddigon o arian i fynd â chi o gwmpas y bwrdd.
Cyn lansio’r gêm, rydym wedi cynnal nifer o sesiynau peilot i brofi’r gêm ac rydym wedi cael adborth cadarnhaol iawn gan bobl ifanc sydd wedi ei ddefnyddio.
Gan fod y gêm wedi cael ei datblygu gan bobl ifanc sydd wedi cael profiadau go iawn o’r problemau hyn, mae’n cynnwys sefyllfaoedd realistig all gael eu defnyddio fel pynciau trafod. Mae’r digwyddiadau a grëwyd o fewn y gêm yn adlewyrchu’r hyn all ddigwydd mewn bywyd go iawn.”
Dywedodd Iwan Evans, Cydlynydd Cyfranogiad Tenantiaid yn Nhai Gogledd Cymru, sydd wedi bod yn cymryd rhan yn y prosiect:
“Mae Tai Gogledd Cymru yn falch iawn o fod yn rhan o’r prosiect hwn. Mae ein tenantiaid hefyd wedi mwynhau cymryd rhan, ac wedi defnyddio eu profiad personol i helpu i ddatblygu’r gêm. Rydym yn gobeithio bydd y gêm fwrdd yn mynd ymlaen i fudd i lawer o bobl ifanc.”
“Mae’r bobl ifanc dan sylw, aelodau’r Rhwydwaith Tai Pobl Ifanc, hefyd yn datblygu gwefan sy’n darparu gwybodaeth hanfodol i bobl ifanc sydd yn meddwl am fyw yn annibynnol.”
Cafodd y gêm ei lansio yn TAPE, Bae Colwyn lle datgelwyd gêm enfawr sydd wedi ei greu a’i osod ar y llawr.
Os ydych yn chwilio am wybodaeth ynglŷn â’r gêm fwrdd ‘Byw yn Annibynnol’, neu i gael manylion am gymorth ar gyfer pobl ifanc sy’n wynebu digartrefedd, cysylltwch ag Iwan Evans ar 01492 563232.
Mae’r Rhwydwaith Tai Pobl Ifanc yn recriwtio ar gyfer aelodau newydd ac maent yn cwrdd yn Nhŷ Hapus yn Llandudno ar ddydd Mawrth 14 Gorffennaf am 5pm. Lawr lwythwch daflen yma
Mae cynllun ymgysylltu cymunedol sy’n cael ei gefnogi gan dair cymdeithas dai leol wedi ennill Gwobr ‘Cyfranogiad Tenantiaid’ genedlaethol a gyflwynwyd yng Nghaerdydd.
Bu Cartrefi Conwy, Cymdeithas Tai Clwyd Alyn a Chymdeithas Tai Gogledd Cymru yn gweithio mewn partneriaeth ers Mai 2013, fel rhan o brosiect ‘Conwy gyda’i Gilydd’ a’r wythnos ddiwethaf enillodd Llais Cymunedol Conwy’r wobr bwysig flynyddol am Gyfranogiad Tenantiaid yn cynnwys Cymru gyfan a ddyfarnwyd gan TPAS Cymru, y Gwasanaeth Cyfranogiad Tenantiaid a Chynghori.
Trefnir ‘Llais Cymunedol Conwy’ gan Gyngor Gweithredu Gwirfoddol Conwy ac mae’n cael ei ariannu gan y Loteri Fawr.
Dan y cynllun mae’r tair cymdeithas dai wedi gweithio gyda’i gilydd i gynnig amrywiaeth eang o ddigwyddiadau a gweithgareddau i ennyn diddordeb preswylwyr Conwy yn greadigol gan eu grymuso i gael lleisio eu barn o ran y gwasanaethau a’r materion sy’n effeithio ar eu bywydau dyddiol.
Roedd y digwyddiadau yn amrywio o ddyddiau hwyl i’r teulu a sinema dawel i fforwm cymunedol cyson gydag amrywiaeth eang o siaradwyr yn ymweld.
“Rwyf wedi mwynhau cyfarfod cynghorwyr a gwleidyddion yn y fforymau – dwi’n meddwl eu bod wedi synnu bod gennym gymaint i’w ddweud!” dywedodd Anne Rothwell, un o breswylwyr Pentre Mawr yn Abergele.
Canmolodd Mr S. (Mitch) Mitchell hefyd y fforymau, gan ddweud bod yr awyrgylch hamddenol yn annog y preswylwyr i gymryd rhan yn y trafodaethau.
Dywedodd Iwan Evans, Cydlynydd Cyfranogiad Tenantiaid Cymdeithas Tai Gogledd Cymru:
“Mae Tai Gogledd Cymru yn eithriadol o falch bod y prosiect wedi ennill y wobr bwysig hon. Yn sicr bu’r prosiect yn llwyddiant; bu’n allweddol wrth sicrhau bod tenantiaid anodd eu cyrraedd yn cael llais a mynegi eu barn am weithgareddau a gwasanaethau cyrff cyhoeddus. Mae tenantiaid Tai Gogledd Cymru wedi mwynhau’r llu o weithgareddau ac maent wedi eu gweld yn ddefnyddiol.”
Dywedodd David Lloyd, Cyfarwyddwr TPAS Cymru:
“Mae ein Gwobrau Cyfranogiad blynyddol yn rhoi cyfle i ni gydnabod bod cyfranogiad tenantiaid yn newid gwasanaethau tai a chymunedau er gwell. Mae’r gwobrau yn cynnig ffenestr siop i arfer gorau ar draws Cymru wrth sicrhau bod tenantiaid wrth galon gwasanaethau tai. Mae wedi bod yn braf iawn dathlu llwyddiannau cyfranogiad ac rydym wedi gweld enillwyr sy’n ysbrydoli ac yn ysgogi unwaith eto eleni.”
Mae’r Panel yn grŵp o denantiaid sy’n cyfarfod yn fisol ac maent yn rhan bwysig o’r broses barhaus o reoli a llywodraethu’r sefydliad. Mae bod yn aelod o’r Panel Ymgynghorol Preswylwyr yn gyfle go iawn i ddylanwadu ar sut y mae Tai Gogledd Cymru yn gweithredu.
Maent yn grŵp cyfeillgar a chroesawgar sydd bob amser yn chwilio am denantiaid newydd i ymuno â nhw.
Os hoffech gael rhagor o wybodaeth am y Panel neu os oes gennych ddiddordeb mewn dod yn aelod, e-bostiwch [email protected] neu ffoniwch ni ar 01492 572727.
